راپورتكوردستان

چیرۆکەک ژ جینۆسایدا ئێزدیان، رەوعا کەچەکە ئێزیدی یە ل دەستێ داعشێ دە ئەو و ئێش بوونە هەڤال

ئێزیدی 24 – سەعدون حسێن

پشتی هێرشا دەولەتا خیلافەتا ئیسلامی ب ناڤێ داعش ل 3ی تەباخا 2014ێ ل سەر شنگالێ ب ئاوەیەکی ھۆڤانە داعش ھەمی بنەماین مرۆڤایەتیێ بن پێ کرن ل دژی ئێزیدیا چ ژ گرتنا کەچ و ژن و زارۆکا وچ کوشتنا مێران وچ ژ وێرانکرنا مالێن ئێزدیا.

لێ ژنا ئێزیدی قوربانیا سەرەکی بوو ل ڤێ فەرمانێ دە ژبەر کو دەستدرێژی ل سەر ھاتە کرن وکرین و فرۆتن پێ ھاتە کرن. و ب هەزاران ژ کەچ و ژنێن ئێزیدیا هەتا نوهە ل دەستێ داعش دەینە و چارەنڤیسێ وان دیار نینە.

‏روعە ژی نموونەکا ژ وان کەچێن ئێزیدی ل ئەوێن ل بازارێن دەولەتا خلافەتا ئیسلامی دا زێدەتری 10 جارا ھاتیە فرۆتن و ب دژوار ترین شێوە ھاتیە ئەشکەنجەدان ھەتا نوهە ژی دایک و باب و خویشکێن وێ بێ سەر و شوینن و چ ژێ نزانن.

رەوعا کی یە ؟

رەوعا سعید خێرۆ ئێکە ژ قوربانێت چەکدارێن داعشێ ل وەختێ داعش هێرش کریە سەر شنگال تەمەنێ وێ 10 سال بوون و خەلکا کۆمەلگەها حەردان بوو، ئەو و 5 کەسێن دیتر ژ مالا خوە کەتنە دەستێ داعش.

رەوعا و چەکدارێن خلافەتێ

چیرۆکا خوە ژ “ئێزیدی 24” رە گۆت،“ئەز و مالا من ل گوندێ حەردان ل رۆژهەلاتی چایێ شنگالێ گرتن و ئەم ژ حردان ڤەگوھاستنا ھۆلەکێ ل شنگال شێڤەکێ ل شنگال مان و پاش ئەم برنە خوەندنگەهەکێ ل تلعفر و دوو مەها ئەم ل ور مان.

و گۆت ژی،“پاش ئەم ڤەگوھاستنە گوندەکی ب ناڤێ (کسر المحراب) ل وی گوندی ھندەک چێل دانە مە دا ئەم ژ وان رە خودان کن و دھاتن شیرێ وان دبرن پشتی ھەفت ھەیڤا ئەم ھەموو ژئێک و دوو قوتکرن و ھەر ئێکی ژ مە برن دەڤەرەکی ژ وی دەمی دا ئەز چ ژ خویشک و داکا خوە نزانم”.

رەوعا و قۆناغەک نو ل ئێخسیریێ دە

ل سەر ڤێ یەکێ گۆت،“پشتی ھنگێ ئەز برمە موسل دناڤ خێزانەکا بسلمان دا ئەز حەفتیەکی ل موسل دا مام پشتی ھنگی ئەز بەرڤ سوریا ڤە برم ل سوریا ئەز ھاتمە فرۆتن ب کەسەکی ب ناڤێ (ئەبو ھودا) دگۆتنا ڤی کەسی (تاجر الصبایا)ئەڤی کەسی بازرگانی ب کەچ وژنێن ئێزیدیا دکر پشتی ئەز حەفتیەکێ ل دەف (ئەبو ھودا) بووم پاش ئێکی دی ھات ب ناڤێ (ئەبو حەبیب) یێ تلەعفەری بوو ئەز و ئێکا دی کرین و برنە مالا خوە ئەم بوونە غولامێت مالا وان”.

تەمامکر و گۆت،“خێزانەکە گەلەکا مەزن بوو ھەتا خوارن نەد دانە مە و بتریا شەڤا بێ خوارن ئەم دنڤستن و ھەموو جۆرێن ئەشکەنجەدانێ ب مە دکرن پشتی ھەفت مەهـ دەرباسبووین ئەز دیسا برما دەف (ئەبو ھودی) ژبەر کو وی ب بھایەکی زۆر ژ خەلکێ دکری وب ئەرزانی دفرۆتن”.

رەوعا و زنجیرا چەکدارا

هەروەها ژ “ئێزیدی 24” رە گۆت،“پشتی ھنگێ ئەز فرۆتمە یەکی دی بناڤێ (ئەبو سارە ) ھەر ئەو ژی تلەعفەری بوو خەلکێ عراقێ بوو بەلێ ئەز گەلەک ل دەف وی نەمام ئەز فرۆتمە یەکی جزائێری بناڤێ (ئەبو ھاجەر) پشتی ھنگێ فرۆتمە ئێکی دی ب ناڤێ (ئەبو قوتەیبا) ب ڤی ئاوایی ئەز (13) جارا ھاتمە فرۆتن”.

زێدەتر گۆت،“ھەموو جۆرێت خەرابیێ ب مرە دکرن یێ تالی ژی ب ناڤێ (عەبدلواحد) ئەز سالەکێ ل دەف (عبدلواحد) بووم پشتی ھنگێ ئەو مر پشتی مرنا (عبدلواحد) کەرتەک بۆ من ھاتە چێکرن ئەز یا ئازاد بووم چوون و ھاتنێ بکەم دناڤ باژار دا”.

قۆناغێن تالی ل مووسڵێ و باغۆزێ

بتر دیار کر و گۆت،“جارەکێ ئەز ل کۆلانەکێ را دمەشیام دەرگەھەک ڤەبوو چاڤێ من ب برایێ من کەت پشتی ھنگێ ھەرۆ ئەز دچوومە بەر دەریێ وێ مالێ من ل دەری ددا بەلێ کەسی دەرگەھ ل من ڤەنەدکر ژبەر زانین ئەو برایێت منن و شکیات ل من کرن ئەز کەتمە زیندانێدا دا کو جارەکە دی کرین و فرۆتن ب من بھێتە کرن”.

خوەیاکر ژی،“پشتی ھنگێ ل باغۆزێ شەر چێبوو ئەز و دوو کەچێت دی بوون دەمێ فرۆکا تۆپبارانا داعش کری ئەز بریندار بووم، لنگێ من شکەست ژبەر شکەستنا لنگێ من نکارین من ڤەگوھێزنە تورکیا ئەو ھڤالێت من برنە ترکیا بەلێ ئەز ل وێدەرێ ھێلام چونکی چ مفایی وان ژ من نەما پشتی رزگارکرنا باغۆزێ ھێزێن (ypk)ئەز خلاسکرم و برمە مالا ئێزیدیا ل ھەرێما جزیری دەمێ ئەز چوویم ھەردۆ براێت من ژی ھاتبوونە خلاسکرن ب رۆژەکێ بەری من و پشتی ھنگێ ئەم رادەستی کەس و کارێن مە ل شنگال کرن”.

 

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close