كوردستاننووچە

ئەزموونێت پۆلا (4 – 11) بۆ هەیاما هەفتیەکێ هاتە پاشئێخستن

ئێزیدی 24 ــ دهۆک

رێڤەبەریا گشتی ئا پەروەردا پارێزگەها دهۆکێ ل زەلالکرنەکێ دە ئیرۆ رۆژا پێنج شەمێ 06-08-2002، بریارا پاشئێخستنا ئەزموونێت پۆلا (4- 11) راگەهاند ئەوژی ژبەر پاراستنا جانێ مامۆستا و قوتابیان ب سەدەما بەلابوونا ڤایرۆسێ کۆرۆنا.

ئەڤ ژی دەقێ زەلالکرنێ یە:

رونکرنەک ژ رێڤەبەریا گشتی یا پەروەردا پارێزگەها دهوکێ سەبارەت پاش ئێخستنا ئەزموونێن خولا دووێ بو ماوێ حەفتیەکێ

ژپێخەمەت پاراستنا گیانێ ماموستا وقوتابیێن خوشتڤی نەخاسمە پشتی بەلاڤبونا بلەز یا ڤایروسێ کورونا ل پارێزگەها دهوکێ ل ماوێ بوری و پشتی راوێژکاری دگەل رێڤەبەریا گشتی یا ساخلەمیا پارێزگەها دهوکێ و کارگێریا پارێزگەها دهوکێ هاتیە کرن و لدویف ئەو دەستەلاتێن وەزاەرتا پەروەردێ دانیە رێڤەبەریێن گشتی یێن پەروەردان ، لەورا رێڤەبەریا گشتی یا پەروەردا پارێزگەها دهوکێ ئاگەهداریا هەمی قوتابیێن خوشتڤی دکەت کو ئەزموونیێن دوماهیا وەرزێ ئێکێ خولا دووێ پولێن ( ٤ ـ ۱۱) کو بریار بو ل روژا ئێک شەمبی رێکەفتی 09/8/2020 بهێنە ئەنجام دان هاتنە پاش ئێخستن بو ماوێ حەفتیەکێ وبریار هاتە دان کو ل روژا ئێک شەمبی 16/08/2020 ئەزموونێن دوماهیا وەرزێ ئێکێ خولادووێ بو پولێن ( ٤ ـ ۱۱ ) بهێنە ئەنجام دان ، هەروەسا رێڤەبەریا گشتی یا پەروەردێ داخازێ ژهەمی ماموستا و قوتابیێن خوشتڤی دکەت کو هەمی پێرابونێن خوپاراستنێ وماسک و دەست كێشان لدمێ ئەنجام دانا ئەزموونان بگرنە بەر وداخازا سەرکەفتنێ و ساخ وسەلامەتیێ بو هەوە هەمیان دخازین.

رێڤەبەریا گشتی یا پەروەردا پارێزگەها دهۆکێ

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close