راپورتكوردستاننووچە

خەلکێ پارێزگەها دهۆک ژ وان ژی ئاوارە، ب گرانیا بەهایێ کەهرەبێ نە د رادینە

ئێزیدی 24 ــ لەیت حسێن

پشتی ڕاگەهاندنا بەهایێ ئەمپێرێ کەهرەبا موەلیدێت ئەهلی ل پارێزگەها دهۆکێ نە رادیبوونەک لسەر تۆرێت جڤاکی ل پاش خوەڤە هێلا چ ژبا خەلکێ پارێزگەهێ بخوەڤە و چ ژی ژبا ئاوارە و پەنابەرێت ل ڤێ پارێزگەهێ دئاکنجی، ژبەر کە لگۆری لیژنا موەلیدێت ئەهلی ل قائیمقامیەتا قەزا دهۆکێ راگەهاندی بەهایێ هەر ئەمپێرەکی 9250 دیناری عیراقی نە.

پشتی وێ یەکێ ب چەند رۆژا و ڕەخنەیێت کە گەهشتینە ئیدارا پارێزگەها دهۆکێ ژبا خەلکێ ڤە ژبەر بلندبوونا بەهایێ ئەمپێری، پارێزگارێ دهۆکێ ب نوونەرێت خوەدانێت موەلیدان رە کۆمبوو دا بەهایەکی گونجاو ژ ڤێ مەهێ رە هەلبژێرن ئەڤ ژی پشتی دانا رێژەکێ ژ گازوایلێ بۆ خوەدانێت موەلیدان ژبا پارێزگەهێ ڤە و بەهایێ ئەمپێری بۆ 8000 کێم بوو بەلێ پا خەلک داخواز دکە پتر کێم ببێ ژبەر کە پارێزگەها دهۆکێ ب بەراوردی ب پارێزگەهێت دی یێت هەرێمێ رە بەهایێ ئەمپێرەکی کەهرەبا موەلیدان ب 2 هەزار دیناری و سەرە ژێکە جدایە.

لسەر ڤێ یەکێ رە “دیار قاسم” ئاوارەکی ئێزیدی یە ل کەمپەکێ ژ یێت ئاوارە ل پارێزگەها دهۆکێ ئاکنجی یە ژ “ئێزیدی 24” پەیڤی و گۆت، “بەهایێ ئەمپێری گەلەکێ بلندە و براستی حەوجەیە جهێت کاربدەست بەهایی کێم بکن ژبەر رەوش نا باشە لسەر مە هەمووان حەوجەیە ئەم پێکرە دهاریکاربن”.

هەروەها “بەیار عەبدولله” کە وەلاتیەکی پارێزگەها دهۆکێ یە لسەر هەمان بابەت رە ژ “ئێزیدی 24” گۆت، “هەر جار ئەم راستی ڤێ ئاریشێ دبن و ل پێشیا هەر مەهەکێ ئەم ژبەر بلندبوونا بەهایێ ئەمپێری دنالینن و سەرباری وێ یەکێ موەلیدە کەهرەبێ ب وێ رێژا وان کێشای نادنە خەلکێ”.

زێدەتر گۆت، “ئەم داخوازێ ژ حکومەتا دەڤەرێ و خوەدان موەلیدان دکن بەهایەکی گونجایی ژ هەر مەهـ رە لگۆری وەرزێ سالێ داینن دا ئەڤ هەموو ئاریشە هەر سەرێ مەهێ چێنەبن”.

ئەڤە بۆ هەیامەکێ یە، ل پارێزگەها دهۆکی نەرادیبوون تێنە دیارکرن ل دۆر کوژمێ دراڤێ موەلیدێت ئەهلی و هەر ئەڤ پرسگرێک بەردەوامە و هەر هەیڤ ژ پارێزگەهێت دی یێت هەرێما کوردستانێ جدایە و بلندترە.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close