نووچە

ئەلجارۆ : شنگال نموونەیا دەڤەرێت خەلاسبووی ژ داعشە کە ژ ئالیێ وان ڤە هاتیە وێرانکرن و حکومەت کاردکە دا پرسگرێگێت وێ چارە بکە

ئێزیدی 24 – بەغدا

دوهـ رێکەفتێ 2020/8/10 وەزیرا کۆچ و کۆچبەرا یا عراقێ “ئیڤان فائیق جابرۆ” پێشوازیا بالێۆزا ئۆسترالیا “جوان لۆدنس” ل عراقێ کر ل ئاڤاهیا وزارەتێ ل بەغدایا پایتەخت و چەند بابەت هاتنە بەحسکرن ژ هەمووا گرنگتر گرێدایی ئاوارەیا و ئەوێت ڤەگەریایین و قەزا شنگال وەک نموونەک ژ بۆ دەڤەرێت کە ژئالیێ داعشێ ڤە هاتینە وێرانکرن.

ئەلجابرۆ وەسفا قەزا شنگال کر کە نموونەیەکە ژ دەڤەرێت خەلاسبووی ژ داعش یێت کو چەکدارێت داعش وێرانکری یێت کە دەستەیا رێڤەبرنا ئیداری نینە، کە بوویە ئەگەر کە پرۆژەیێت دووبارە ئاڤەدانکرنێ ل قەزایێ و گوندێت ب سەر ڤە نەینە جێبەجێکرن و ئەڤ یەک ژی بوویە ئەگەرێ نەڤەگەریانا بتریا خێزانێن شنگالی بۆ دەڤەرێت خوە، ل هەمان دەم دە تەئکید کر کە حکومەت کاردکە ل سەر چارەکرنا رەوشا نوهە یا شنگالێ و گرەنتیکرنا ڤەگەریانا خەلکێ وێ هەمووێ.

ئیرۆ سێ شەمێ رێکەفتێ 2020/8/11 ئەلجابرۆ چاڤپێکەفتن دگەل بالێۆزێ یابان ژی کر ب رێکا پەیوەندیا ڤیدیۆیی و تەکەس ل سەر هەبوونا پشتەڤانیێ بۆ ڤەگەریانا ئاوارەیا و ئەوێت ڤەگەریایین ب رێکا وزارەتێ ژبەر کە ئەو بەرپرسا یەکێ یە.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close