كوردستاننووچە

پشتی خەلەتیێن ل پرسیارا دە، خوەندنکارێن پۆلا دوانزدێ ئامادەیی گازندەیا ژ ئەنجاما دکن

ئێزیدی 24 – ذياب غانم

بەری چەند رۆژایە وزارەتا پەروەردێ یا هەرێما کوردستانا عراقێ ئەنجامێن تالی یێن پۆلا دوانزدێ ئامادەیی/ خۆلا یەکێ ڕاگەهاندن، و پشتی ڕاگەهاندنا ئەنجاما سەرەدەریا وزارەتێ ب خوەندنکارا رە بووە جهێ نەرازیبوونا وان.

خەلەتی ل پرسیارێن ویزاری دە هەبوون و وزارەتێ سۆز دابوو کە خوەندنکار بێنە قەرەبوو کرن و نمرە پێ بێنە داین لێ ل پێ گۆتنا وان وزارەتێ ئەڤ چەندە نەکریە.

“سەلوا ئیبراهیم” خوەندنکارەکە پۆلا داونزدێ ئامادەیی یە و دەرچوویە، ژ “ئێزیدی24” رە گۆت،“پێتڤی بوو ل سەر وزارەتێ خەلەتیا نەکە ل دانانا پرسیارا دا، ب تەئکیدی ڤە خوەندنکار وێ زەرەرمەند بن ژ ڤان خەلەتیا و نە خەلەتیەکە بتنێ بوو بەلێ کۆمەکە خەلەتیا بوو”.

گۆت ژی،“دوو جۆرێن خەلەتیا ل پرسیارا دە هەبوون، هنەک ژ وان هەلبژارتنا راست ل ناڤ دا نەبوو و یێت دی دوو بەرسڤێن راست تێدا بوون، ڤێجا پێتڤی بوو ل سەر وزارەتی مافێ خوەندنکارا بدەتێ”.

هەروەسا خوەندنکار “شیلان خەلەف” ژی پەیفت و گۆت،“گەلەک شەرمەزاریە کە وزارەتەک نکارێ پرسیارا داینن و یا ژ وێ ژی ب شەرمتر خوەندنکار قەرەبوو نەکرن”.

“خەلەف” وەسفا وزارەتێ کر ،“کە نە ژ هەژی یە ئەڤ ناڤ ل سەر بیت و پێتڤی یە ل سەر جارەکە دی خوە رێک بئێخێ ژبەر کو ب هەزارا خوەندنکار زەرەرمەند بووینە”.

22 خەلەتی ل هەموو پرسیارێن ویزاری دە هەبوون کە دبنە 44 نمرە و ب ڤێ یەکێ گەلەک خوەندنکار کەتن بن گەفا ڤان خەلەتیا و گازندەیا ژ ڤێ یەکێ دکن.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close