نووچە

یاریزانەکێ دی یێ ئێزیدی ل ئەکادیمیا هەلبژارتیێ عراقێ یێ خۆرتا هاتە وەرگرتن

ئێزیدی24 – ذياب غانم

پشتی وەرگرتنا یاریزانێ ئێزیدی سعوود ئەمین ئەلعەمەری ل ئەکادیمیا هەلبژارتیێ عیراقێ یێ خۆرتا، ل رێکەفتێ 2020/8/16ێ یاریزانێ ئێزیدی وائیل شەهاب ژی هاتە وەرگرتن دا تێکەلی ئەکادیمیێ ببێ.

ل پەیڤا خوە دە ژ “ئێزیدی 24” رە “وائیل شەهاب” گۆت،“شانازیەکە مەزنە ئەز خوە ل ئەکادیمیەکە وەرزشی یا عراقی یا مەزن دە ببینم کە چێدبیت رێ ل بەر من خوەش بکە دا بگەهمە هەلبژارتیێ عراقێ”.

هەروەها گۆت،“ئەز ب تیمێت بچووکێت ئێزیدیا رە دلەیستم و پشتی کە چوویمە تێستێ ل ئەکادیمیێ بارێ من گرنتر بوو ژ بەرێ و پێتڤی یە گوهدانەکە بەردەوام هەبێ دا خەونا من ببیە راستی”.

زەلال کر ژی،“گەلەک ژێهاتیێت وەرزشڤان ل شنگال دە هەنە لێ وان دەلیڤە نەدیە دا کارینێت خوە بیننە بەر چاڤ ژبەر چ پشتەڤانی ژ چینا وەرزشڤانا و وەرزشی بگشتی رە نە هاتیە کرن”.

دیسانێ گۆت،“ل سەر مە هەمووا فەرە ئەم بەردەوام کاربکن دا بگەهنە ئارمانجێت خوە، ژ ژێهاتیێت ئێزیدی رە دبێژم، گەهشتن ب خەونا نە بتنێ ل سەر پشتەڤانیێ دسەکنێ بەلێ دڤێ زەحمەتێ بکێشن و خوە دیار کن”.

“شهاب” زێدەتر گۆت،“گەلەک ژ ژێهاتیێت مە ل پشت بەلەنگازیێ دە دسەکنینە لۆما کارینێت وان دمرن ڤێجا دخوازم کە هنەک جیهەت هەبن پشتەڤانیا خۆرتێت مە بکن دا بگەهنە ئارمانجێت خوە”.

“وائیل شهاب حەجی”، یاریزانەکێ ئێزیدیە ل هێلا بەرگریێ دە دلەیزێ و ژ کۆمەلگەها خانەسۆرێ یە یا سەر ب ناحیە سنونێ یا سەر ب قەزا شنگال ل باکوورێ رۆژئاڤایێ عراقێ، و ژدایکبوویێ سالا 1999ە، ژ بچووکاتیا خوە دە ب تەپا پێ ڤە هاتە گرێدان و کاری بوو تێستا ئەکادیمیا هەلبژارتیێ خۆرتێت عراقێ ب سەرکەفتیانە ئەنجام بدە و تێکەل ببیێ و ب ڤێ یەکێ دبیە یاریزانێ دووێ یێ ئێزیدی کە دچە ڤێ ئەکادیمیێ.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button