“پۆلیتیک” یەکەم رۆژنامەیە ژ جۆرێ خوە ل پارێزگەها دهۆکێ
ئێزیدی 24 ــ لەیت حسێن
بۆ جارا یەکێ رۆژنامەکا تایبەت ب شرۆڤەکرنێت سیاسی ڤە ب ناڤێ “پۆلیتیک نیوز” ل پارێزگەها دهۆکێ و دەڤەرا بەهدینان دەرکەت کە ئیرۆ رۆژا یەک شەمێ 23ی تەباخا 2020ێ ژمارا وێ ئا 0 دەرکەت.
دوو خۆرتان کە هەردوو ئێزیدی نە و خەلکێ ناحیە باعەدرێ نە ل سنوورێ قەزا شێخان ئەڤ رۆژنامە دامەزراندیە و ئەرکێ بەرهەڤکرنا بابەتان و دیزاینکرنا رۆژنامێ ب ستویێ خوەڤە گرتینە.
“کاروان باعەدری” کە سەرنڤسیەرێ ڤێ رۆژنامێ یە ژ “ئێزیدی 24″ رە پەیڤت و گۆت،“رۆژناما مە ب ناڤێ” پۆلیتیک نیوز”ە و ب مه‌ره‌ما خزمه‌تكرنا خوانده‌ڤانان ژ روویێ سیاسى ڤه، بۆ یەکەم جار مە ئەڤ رۆژنامە ب ئه‌لیكترونى کە یا سیاسى یە ل پارێزگه‌ها دهۆكێ ده‌رئێخست”.
هەروەها “باعەدری” گۆت،“کە هه‌ر 15 رۆژان جاره‌كێ ئەڤ رۆژنامە وێ ب چار پەلان دەرکەڤە، و تالی گۆرانكارى و نووترین پێشهاتێت سیاسى ل كوردستان، عیراق و جیهانێ شرۆڤه كه‌ت”.
دیسان ژی گۆت،“رۆژنامه وێ ب زمانێ كوردى و ب هه‌ردوو زاراڤێت سورانى و به‌هدینى ئێتە به‌لاكرن و دەرئێخستن”.
