كوردستاننووچە

سه‌رژمێریه‌كا گشتى بۆ قه‌ره‌بووكرنا ئاواران وێ ئێتە کرن

ئێزیدی 24 ــ لەیت حسێن

بۆ قەرەبووکرنا زیان پێکەتیێت هێرشا رێکخستنا تیرۆرستی یا داعش یێت کە نوهە ئاوارەینە و ل کەمپێت سنوورێ پارێزگەها دهۆکێ دە ئاکنجی نە، سەرژمێریەکا گشتی وێ ل سەرتاسەری کەمپێت ئاوارە ل سنوورێ ڤێ پارێزگەهێ وێ ئێتە کرن.

لدۆر ڤێ یەکێ ژی “کاروان زەکی” بەرپرسێ پەیوەندی و راگەهاندنان ل رێڤەبەریا کۆچ و کۆچبەران و بەرسڤدانا قەیرانان ل پارێزگەها دهۆکێ ژ “ئێزیدی 24” رە خوەیاکر، “ئه‌ڤرۆ رێكه‌فتى 31/8/2020 ب ئاماده‌بوونا رێڤه‌به‌رێن كه‌مپێن ئاواران ل سنورێ پارێزگه‌ها دهۆكێ و به‌رێز إسكندر محمد امین رێڤه‌به‌رێ نڤیسینگه‌ها كوچ وكوچبه‌ران ل دهۆكێ كۆمبوونه‌ك هاته‌ ئه‌نجام دان بۆ ئه‌نجام دانا سه‌رژمێریه‌كا گشتى بۆ قه‌ره‌بوون كرنا ئاواران”.

هەروەها زەلال کر، “وه‌زاره‌تا كوچ وكوچبه‌ران ل حكومه‌تا عیراقێ پلانه‌ك دارشتیه‌ بۆ قه‌ره‌بوون كرنا ئاواران و ب هه‌ما هه‌نگى دگه‌ل رێڤه‌به‌ریا كوچ وكوچبه‌ران و به‌رسڤ دانا قه‌یرانا و برێكا كارگیریێن كه‌مپان دێ رابت ب ئه‌نجام دانا ڤێ سه‌رژمێرێى ئه‌وژى برێكا به‌لاڤ كرنا فۆرمه‌كێ ل سه‌ر ئاواران و دیاركرنا زیانێن مادى یێن ب ئاواران كه‌تین پشتى هێرشا تیرۆرى یا داعش ل سه‌ر ناوچه‌یێن وان”.

ناڤهاتی گۆتژی، “ئه‌ڤ سه‌رژمێریه‌ دێ بۆ ماوێ هه‌فتیه‌كێ هێته‌ ئه‌نجام و پاشى هێته‌ ره‌وانه‌ كرن بۆ وه‌زاره‌تا كوچ و كوچبه‌ران ب ئارمانجا قه‌ره‌بوون كرنا وان خێزانان ئه‌وێن زیانێن مادى ب مال و سامانێن وان كه‌تین”.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close