نووچە

نڤیسینگەها بەرسڤدانا قەیرانان پلانا خوە بۆ قەرەبووکرنا خێزانێت کە چادرێت وان شەوتین ئاشکەرا دکە

ئێزیدی 24 ــ لەیت حسێن

پشتی کە هژمارەکا چادرا پ کەمپێت ئاوارا ل سنوورێ پارێزگەها دهۆکێ ب تەمامی شەوتین و خوەدانێت وان هەموو کەل و پەلێت خوە ژ دەست داین، نڤیسینگەها بەرسڤدانا قەیرانان پلانەکا نوو بۆ قەرەبووکرنا وان خێزانان دانیە.

لسەر ڤێ یەکێ رە “کاروان زەکی” بەرپرسێ پەیوەندی و راگەهاندنان ل رێڤەبەریا کۆچ و کۆچبەران و بەرسڤدانا قەیرانان ل پارێزگەها دهۆکێ ژ “ئێزیدی 24” رە خوەیاکر، “پشتی کە ئیرۆ 10 چادر ل کەمپا بێرسڤێ 1 و 2 کابینە ل کەمپا قادیە شەوتین مە وەک جاران هاریکاریێت دەستپێکی پێشکێشی وان خێزانان کرن وەک چادر یان کابینە لگۆری جۆرێ کەمپێ و پێدڤیێت ساخلەمیێ و خوارنێ و هنەک کەل و پەلێت دی”.

ناڤهاتی گۆتژی، “ژبلی ڤان هاریکاریان ئەو وێ فشارێ ئێخنە سەر رێکخراوێت ناڤخۆی و ناڤ دەولەتی کە هەر چی هاریکاریەک هەبە پێشکێشی ڤان خێزانان بێتە کرن ژبەر کە براستی ژی رەوشا وان گەلەک ب زەحمەت بوویە”.

هەروەها زەلال کر، ” ژبەر کە تێتە زانین کە بەلگەنامێت (مستمسكات) هنەک مالا ل ناڤ چادر و کابینە دە شەوتینە لۆما مە ئەو یەکە ژی چارە کریە کە ب ئالیێت کاربدەست رە ئەم گەهشتینە رێکەتنێ و ل زووترین وەخت دە بەلگەنامێت وان وێ ئێنە دەرئێخستن”.

ئەڤ یەکە ژی ل دەمەکی دە یە تنێ ل هەیاما ڤێ هەفتیێ دە نێزیکی 25 چادر و کابینان ل کەمپێت ئاوارا ل سنوورێ پارێزگەها دهۆکێ شەوتینە و خوەدانێت وان ژی داخوازا هاریکاریا دکن.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close