نووچە

رێ ورسمێن جەژنا جەمایێ ئیسال نائێنە گێران

ئێزیدی24 – باسم قاسم

پشتی نێزیکی هەشت هەیڤا جهێن ئۆلی هاتین گرتن ل چارچۆڤێ رێ گرتنێ ل بەلابوونا ڤایرۆسێ کۆرۆنا جارەکە دی هاتنە ڤەکرن لبەر خەلکێ و پەرستگەها لالش کە پیرۆز ترین جیە ل با ئێزیدیا یەك وان جهێن ئاینێ ئێزیدیا بوو و هاتە ڤەکرن و ب هەزارا خەلك نوهە قەستێ دکە لێ ڤەکرنا ڤان جیێت ئۆلی ڕامانا وێ یەکێ نادە کە مەترسیا کۆرۆنا خەلاس بوویە ژ بەر وێ یەکێ ئیسال رێ و رسمێن جەژنا جەمایێ نائێنە گێران.

ل دۆر ڤێ یەکێ بەرپرسێ راگەهاندنا پەرستگەها لالش “لقمان مەحموود” ژ ئێزیدی24 رە دا دیارکرن کە،“جڤاتا رۆحانیا ئێزیدیا بریار دا ئیسال رێ ورسێمن جەژنا جەمایێ ژی نەینە گێران ژبەر مەترسیا ڤایرۆسێ کۆرۆنا هەتا خەلکێ مەی سلامەتبێت ژ ڤی ڤایرۆسی”.

هەروەها گۆت،“پشتی وزارەتا ناڤخۆ یا هەرێما کوردستانێ بریار دای هەموو جیێت ئاینی بێنە ڤەکرن دەرگەهێ پەرستگەها لالش ژی ل بەر زیارەتکارا هاتە ڤەکرن لێ ب وی مەرجی رێنمایێن خوە پاراستنێ بهێنە جێبەجێبکرن و ئەو کەسێ قەستا ڤی جهی بکەت یا فەرە ماسك و دەست لاپکان بکاربینێت ب مەرەما وێ یەکێ دا دپاراستی بن ژ ڤایرۆسێ کۆرۆنا و ئەڤ هەیاما چەند رۆژایە دەرگەهێ پەرستگەهێ لبەر خەلکێ هاتیە ڤەکرن و رۆژانە ب سەدان خەلکێ ئێزیدی قەستا ڤی جهی دکەن”.

گۆت ژی،“ئیسال جەژنا چارشەما سەرێ سالا ئێزیدیا ژی نەهاتە گێران کو دکەڤیە د هەیڤا چار ژبەر ل وی وەختی مەترسیا ڤایرۆسێ کۆرۆنا هەموو جیهان ڤەگرتبوو و قەدەغەیا هاتن و چوونێ هاتبووە راگەهاندن و جەژنا جەمایێ ژی کە یەکە ژ مەزنترین جەژنێن ئێزیدیا نائێتە گێران”.

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

Back to top button