نووچە

شاندەکی ژ خوەدانێت قوربانیا و خەلاسبوویێت ژ دەستێ داعشێ سەرەدانا پەرلەمانی کوردستانێ کر

ئێزیدی24 – هەولێر

دوهـ رۆژا یەک شەمێ 2020/9/13 شاندەکی کە پێکهاتبوو ژ خوەدانێت قوربانیێت هێرشا رێکخستنا داعش و ژمارەکە کەچێت خەلاسبووی ژ دەستێ داعشێ سەرەدانا پەرلەمانی کوردستانێ کر.

سەرۆکا پەرلەمانێ کۆردستانێ د. رێواز فایەق پێشوازیا شاند کر و تەئکید ل سەر تاوانێن داعش ل دەرحەقی وان و ئێزیدیا ل شنگال کرین کر.

وگۆت،“نەخوەشیێت ئێزیدیا نەخوەشیێت مە هەموواینە، ب سەر وێکێ دە کە قەرەبووکرنا ئێزیدیا پەیوەندی ب حکومەتا عراقێ ڤە هەیە لێ ئەم ل پەرلەمانێ کوردستانێ خوە ل جهێ بەرپرساتیێ دە دبینن و پەرلەمانێ کوردستانێ ب هەماهنگی ب جیهەتێت بەرپرس را بەردەوامە ل هەولدانێت خوە دە بۆ ناساندنا تاوانێن داعش ل دەرحەقی ئێزیدیا وەک جینۆساید”.

زێدەتر گۆت،“دڤێ حکومەتا هەرێما کوردستانێ هاریکاریا ژنێت ئێزیدی بکە ئەوێت تەعلیا حەبسێت رێکخستنا داعش تام کرین”.

وپشتی هنگێ “شەمێ دێرۆ” ب نوێنەراتیا ژنێت ئیزیدی ئەوێت خەلاسبووی ژ دەستێ داعش پەیفت و ئیش و نەخوەشیی و پێتڤیێت وان گۆتن.

ل تالیا هەڤدیتنێ د. رێواز فایەق پشتەڤانیا خوە دا دیارکرن بۆ داخوازیێت وان و هەڤخەمیا خوە ب ئیش و ئازارێت وان یێت کوور دا خوەیاکرن.

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

Back to top button