راپورتكوردستاننووچە

لیژنا ناڤچەیێت ماددەیا 140 وقائیمقامێ شنگال و جێگرێ پارێزگارێ نەینەوا کۆمبوون

ئێزیدی24 – لەیت حسێن

قائیمقامێ قەزا شنگالێ و جێگرێ پارێزگارێ نەینەوا سەرەدانا پەرلەمانێ کوردستانێ ل هەولێرێ کرن و ب لیژنا ناڤچەیێت کوردستانێ ل دەرڤەی ئیدارا هەرێمێ کۆمبوون و تالی پێشهات ل سنوورێ قەزا شنگالێ قال و بەحسکرن.

“هەدیە مراد” ئەنداما لیژنا ناڤچەیێت کوردستانێ ل دەرڤەی ئیدارا هەرێمێ(یێت ماددەیا 140) ل پەرلەمانێ کوردستانێ ژ “ئێزیدی 24” رە خوەیاکر، “ئیرۆ رۆژا دشەمێ 14ی ئەیلولا 2020ێ، مە وەک لیژنا ناوچەیێن کوردستانێ ل دەرڤەیی ئیدارا ھەرێمێ ل پەرلەمانێ کوردستانێ پێشوازی ل جێگرێ پارێزگارێ نەینەوا بەرێز (سیروان رۆژبیانی) وبەرێز (مەحما خەلیل)قائیمقامێ شنگال کر”.

هەروەها زەلال کر،“ل ڤێ کۆمبوونێ گۆتوبێژ ل سەر بارودۆخێ نوهە یێ وان ناڤچەیێت ب سەر پارێزگەھا نەینەوا وبتایبەت دۆخێ شنگال هاتەکرن کە هەتا نوهە خەلکێ وێ د کەمپا دا ژیانا خوە دەرباس دکن و بەحس ل رەوشا ئەمنی و ڤەگەریانا خەلکی بۆ سەر جھ و وارێت وان کرن، هەروەها لدۆر کارێ وان لیژنە ونڤیسینگەھێت ھاتینە دانان بۆ قەرەبۆکرنا خەلکێ وان ناڤچا ب گشتی بەحس ھاتە کرن”.

هەروەها گۆت،“ مە وەک لیژنا ناڤچەیێت کوردستانێ ل دەرڤەی ئیدارا هەرێمێ بزاڤێت بەردەوام هەنە ب شاندێ هەرێمێ رە یێ کە دچتە بەغدا ژبۆ رێکەفتنێ و کەیسا شنگال ژی جهەکێ دیار ل رێکەفتنا هەرێمێ و بەغدا یا ڤێ جارێ دە هەیە”.

تێیە زانین کە شنگال یەکە ژوان ناڤچەیێت ماددەیا 140 ئەوێت کە هەتا نوهە گەلەک ناکوکی ل سەر هەین و چارەنڤیسێ وان نەی خوەیایی و پشتی هێرشا داعش یەکسەر کارتێکرن لێ هاتیە کرن ژ ئالیێ ئیداری و ئەمنی ڤە.

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

Back to top button