راپورتكوردستان

خۆرتەکێ زاخۆ کورتە فیلمەک ب ناڤێ “عیدۆ” چێکر

ئێزیدی24 – دلپاک زێرەڤان

سامان موستەفا خۆرتەکی 23 سالیێ خەلکێ زاخۆیە کۆرتە فیلمێ “عیدۆ” چێکر و ئەو ب خوە نڤیسەرێ چیرۆکا فیلمە و دەرهێنەراتی فیلم ژی کریە.

کورتە فیلمێ “عیدۆ”، بەریا چەند رۆژا ل سەنتەرێ باژێرێ زاخۆ و کەمپا بێرسڤێ یا ئاوارەیان دە هاتە وێنەگرتن، چیرۆکا ڤی بەرهەمی بەحسێ ژیانا ب زەحمەتا عیدۆ وەک کورێ ئێزیدی یێ ل کەمپێ دە دژیت دکەت.

“سامان موستەفا” خودانێ ڤی فیلمی زێدەتر ناڤەرۆک و چیرۆکێ “ژئێزدی24” رە خوەیا دکەت ودبێژت،“بەریا 2 سالا من و برایێ خۆ هزرا نڤێسینا ڤی کورتە فیلمی کریە، عیدۆ ئەو لیستکڤانێ من پێ هزرکری، پشتی هێرشا تیرۆرستێن داعش ل 3 تەباخا سالا 2014 بۆ سەر شنگال و دەوروبەرا و ئاوارەبوونا ئێزیدیا بۆ کوردستانێ، عیدۆ زارۆکەکە ب مالباتا خوە رە ئاوارەی باژێرێ زاخۆ دبن و دناڤ کەمپا بێرسڤێ دە ئاکنجی دبن”.

زێدەتر گۆت،“عیدۆ دەست ب کارێ شڤانیا 10 میهان دکەت و دناڤ باژێرێ زاخۆ بۆ ب دەستڤەئانینا پاریێ ژیانا خۆ، وهەر رۆژ شیری دفرۆشێ وزەحمەتیەکە مەزن دبینە”.

خوەیاکر ژی،“ ل جەم من گرنگە ئەم هەموو ب ئێک رێز و ئێک ڤیان لسەر ڤێ ئاخێ بژین و ئەز وەک خۆرتەکی زاخۆ بنڤیسان و دەرهێنەراتیا ڤێ چیرۆکا لسەر زارۆیەکی ئێزیدی دلشاد دبم و من زێدە کەلتور و ستایلێ ئێزیدیا جودا وەکو جلوبەرگێن وان و نیشانێن ئۆلا وان دناڤ دیمەنێن فلمی دە دیارکرینە”.

“موستەفا” ل تالیێ گۆت،“دێ هەولدم کورتە فیلمێ عیدۆ ژ گەلەک فیلمە ڤیستڤالێن جیهانی و نیڤدەولەتی رە بشینم و بهیڤی مە چیرۆکێن وەها لسەر نەخۆشی و دەربەدەریێن بسەرێ ئێزدیا هاتین هەموو جیهان ببینت و خەلک هەموو پێ بزانن”.

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

Back to top button