نووچە

لیستا بنگەهێ لالش رێزا 3 ل هەلبژارتنان ل باژارێ بلیفێلد بدەستڤە ئانی

ئێزیدی 24 ــ لەیت حسێن

ب هەڤرکی ب 24 لیستێت حزب و ئالیێت جودا رە ل باژارێ بلیفێلد ل وەلاتێ ئەلمانیا، لیستا بنگەهێ لالش رێزا سیێ ل هەلبژارتنێت جڤاتا تێکەلیێ ب دەستڤە ئانی و ل پاشەرۆژێ ژی دە چاڤێ وێ ل رێزا یەکێ یە.

“هەژار مودیر” بەرپرسێ راگەهاندنا بنگەهێ لالش ل ئەلمانیا و یەک ژ بەربژێرێت لیستا بنگەهێ لالش ژ “ئێزیدی 24″ رە خوەیاکر، ” مە وەک بنگەهێ لالش ل ئەلمانیا دوو بەربژێر هەبوون ژ جڤاتا تێکەلیێ رە ل باژارێ بلیفێلد و مە ئارمانجێت باش ژ رەڤەندا کوردی و تایبەت ئێزیدی رە ل وێدەرێ هەنە”.

هەروەها زەلال کر، “هەتا دەمێ تالی ژی ژ هەلبژارتنان ئەم ل پێش دە بوون لێ پا نەسیب ئەو بوو ب چەند دەنگێت کێم لیستا بنگەهێ ئیسلامی ل ڤی باژاری رێزا 2ـێ بدەست خوەڤە ئانی و ئەم ب کۆما 979 دەنگان بوونە رێزا 3ـێ”.

دیسان ژی گۆت، ” ب ڤێ یەکێ ژی پیر دلشاد کە ئەو ژی بەربژێرێ لیستا بنگەهێ لالش بوو وێ بە ئەندامێ کارا یێ ڤێ جڤاتێ و ئەز ژی وەک جێگرێ وی هاتمە هەلبژارتن”.

بنگەهێ لالش ل ئەلمانیا ئەڤ سالا پێنجێ یە کە ل هەلبژارتنێت جڤاتا تێکەلیێ ل باژارێ بلیفێلد بەشدار دبە و هەر جارەکێ ژی سەرکەفتی بوویە ل هەلبژارتنان دە و نوونەرێ خوە ژی هەبووینە.

لگۆری گۆتنا بەرپرسێ راگەهاندنا بنگەهێ لالش ل ئەلمانیا، “ژ هەلبژارتنێت بێ رە وێ باشتر هەدەرێ خوە بکن و چاڤێ وان ل رێزا یەکێ یە ژبۆ خزمەتا خەلکێ وی باژاری بێ جودایی دنێڤبەرا ئێزیدی، کورد، عەرەب و هەموو گەلێت دی یێت ل وێدەرێ دژین”.

کۆچبەرێت ل وەلاتێ ئەلمانیا نکارن ل هەلبژارتنێت باژێرڤانیان دەنگ بدن بەلێ پا ل هەلبژارتنێت جڤاتا تێکەلیێ دە کە هەر ژ پێنج سالان جارەکێ تێنە کرن، کۆچبەر ژی دکارن دەنگ بدن و نوونەرێت خوە هەبن.

ئیسال ژی، ژ کۆما 25 کورسیکان هەشت ژ وان یێت حزب و ئالیێت جودا یێت خەلکێ خوەجهـ بوون ل ئەلمانیا و 24 ئالیێت جودا هەڤرکی لسەر 17 کورسیکێت دیترێت ڤێ جڤاتێ دکر.

وەڵامێک بنووسە

پۆستی ئەلیکترۆنییەکەت بڵاوناکرێتەوە. خانە پێویستەکان دەستنیشانکراون بە *

Back to top button