نووچە

خویندکارەکی ئێزیدی ل وەلاتێ لیتوانیا کەلتۆرێ ئێزدیا نیشانی خەلکێ وی وەلاتی ددە

ئێزیدی24 – مەروان داود

پشتی فەرمانا سالا 2014 ـێ بسەرێ خەلکێ شنگالێ دا هاتی لسەر دەستێ داعش خۆرتێن ئێزیدیا د پرانیا بوارێن خوەندنێ و زانستێ دا سەرکەفتن ب دەستڤەئانین و سنوورێن وەلاتا دەرباسکرن و ژ بۆ خوەندنێ ل وەلاتێن جدا جدا یێن جیهانێ هاتنە وەرگرتن ژ وان ژی خوەندنکار “خالد خدر” کە ل وەلاتێ لیتوانیا دخوەندێ.

خوەندنکارێ ئێزیدی “خالد خدر” ژ “ئێزیدی24” رە پەیفت و گۆت،“ ئەز خەلکێ گوندێ کەرسێ مە یێ ب سەر قەزا شنگالێ ڤە، وەکە هەموو خەلکێ شنگال ئەم ژی ئاوارە بوون و پشتی من چەند هەول داین ئەز ل وەلاتێ لیتوانیا هاتمە وەرگرتن ل بەشێ پەیوەندیێن نیڤ دەولەتی ل زانینگەها LCC International ل باژارێ كلابيدا”.

هەروسا گۆت،“ئەڤ بۆ ماوێ دوو سالایە ئەز ل وی وەلاتی دخوەندم بەری بچم چەند چالاکیێن جۆرا و جۆر یێن گرێدایی ب کەمینەیێن عراقێ ب گشتی و ئێزدیا ب تایبەتی ژ با خوەندنکارێن ئێزیدی و مەسیحی ڤە ل وی وەلاتی هاتبوونە ئەنجامدان”.

خوەیاکر ژی،“پشتی ئەز وەک خوەندنکارەکی ئێزیدی چوویمە وی وەلاتی من گەلەک جارا دگەل ماموستا و ئەو خوەندنکارێن دی یێن دگەل من ژ هەموو وەلاتا بوون بەحس ل وێ یەکێ کریە کە پتریا کەمینەیا ل عراقێ روو ب رووی هێرش و جینۆسایدا بووینە و ب تایبەت ئێزیدی کە 74 جارا هاتینە جینۆسایدکرن”.

“خدر” ل تالیێ گۆت،“وەختێ من بەحسێ کۆمکوژیا ئێزیدیا ل شنگالێ دکر دل گران دبوون، ل رۆژا کەلتۆریا جیهانی هەر خوەندنکارەکی کەلتۆر و جل و بەرگێن وەلاتی خوە نیشان د دان کە ژ 43 وەلاتا دهادربوون من ژی وەکو خوەندنکارەکی ئێزیدی جل و بەرگێن ئێزیدیا ل بەر خوە کرن”.

ئێزیدی پشتی جینۆسایدا ڤێ تالیێ هەول ددن کە خوە ب هەموو دنیایێ بدنە ناسکرن دا ئەو تاوانێن داعش ل دەرحەقی ئێزیدیا کرین وەک جینۆساید بێیە ناسکرن.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close