خێری، ئالایێ سپی ژ دژمن رە بلند نەکر و خانیێ خوە جارەکە ئاڤا دکە
ئێزیدی24 – باسم قاسم
خێری نیسکۆ ئێزیدیەکێ خەلکێ شنگالە، پشتی رێکخراوا تیرورستیا داعش مالا وی تەقاندی بریار دا کە جارەکە دی مالا خوە ئاڤا بکە وەک خوەراگریەک و ب ڤێ یەکێ هێزا ئیرادەیا خوە دا خوەیاکرن.
ل پەیڤا خوە دە ژ “ئێزیدی24” رە گۆت،“پشتی بێ هیڤی بوونەک ژ هەر ئالیەکی ل با من چێبووی ئێدی مە بریارا خوە دا ل جهێ وان خانیێن داعشێ تەقاندین ئەم ب ئیرادەیا خوە خانیێن خوە ئاڤا بکن”.
پتر گۆت،“هەر ژ دەستپێکا رزگارکرنا گوندێت مە ل باشووری چیایێ شنگالێ ئەوێت سەر ب ناحیا
“تل عزێر” ڤە ئەم ل هیڤیا حکومەتێ و رێکخراوا بوون خانیێت مەیێت تەقاندی ژ مە رە چێبکن یان مە قەربوو بکن دا ل وارێ خوە ئەم دەست ب ژیانێ بکەن لێ ب مخابنی ڤە چ ئالیا ئەم قەربوو نەکرن”.
ل تالیێ گۆت،“مە وەکو خەلکێ گوندێ “رەسکا”بریار دە هەر مالەکا بی چێببێ ڤەگەرن گوند و خانین خوە ئاڤا بکەن و ژیانێ جارەکا دی ل گوندێ خوە ڤەگێرن کە نوهە ژمارەیەکە باش ژ مالا ڤەگەریاینە و بەر ب بەر زێدە دبن”.
تیرورستێن داعش نە بتنێ زیانێت گیانی گەهاندنە خەلکێ شنگال، تەعدەیەکە مەزن ل ژێرخانەیا قەزا شنگال و گوند و کۆمەلگەهێت ب سەرڤە کر یەکسەر ژی کە پتریا مالێت شنگال دئاخی بوون و ژبەر تەقاندن و هەرفینا ب هەزارا مالا نوهە خوەدانێت وان نکارن ڤەگەرن شنگال.
