نووچە

ساخلەمیا شێخان لدۆر رەوشا قەزایێ یا ڤایرۆسێ کۆرۆنا هشیاریێ ددە

ئێزیدی 24 ــ لەیت حسێن

رۆژانە ب رێژە پتر ژ نیڤێ وان کەسان یێت کە پشکنینان دگرن وەک پیکەتیێت ڤایرۆسێ کۆرۆنا ل سنوورێ قەزا شێخان و ناحیە ئەلقوش تێنە تۆمارکرن و ساخلەمیا قەزایێ ژی هشیاریێ ل دۆر رەوشا قەزایێ ل ڤی باری دە ددە.

“کەریم کەمال” رێڤەبەرێ ساخلەمیا قەزا شێخان ژ “ئێزیدی 24” رە پەیڤت و گۆت، “رۆژانە پتر ژ نیڤێ وان کەسان یێت کە پشکنینێت خوە دگرن وەک پیکەتیێت ڤایرۆسێ کۆرۆنا تێنە تۆمارکرن ل سنوورێ قەزا شێخان و ناحیە ئەلقوش”.

و خوەیاکر، ” براستی رەوشا ساخلەمیا قەزا شێخان ل نێڤ دەستێت ڤایرۆسێ کۆرۆنا دە یا مەترسی یە و پێدڤی یە خەلک پتر پێگیریێ ب رێنما و رێکارێت ساخلەمیێ بکن”.

رێڤەبەرێ ساخلەمیا قەزا شێخان ئاشکەرا ژی کر، ” ژ پێشیا بەلابوونا ڤایرۆسێ کۆرۆنا دە و هەتا نها پتر ژ 500 حالەتێت پیکەتنێ ب ڤی ڤایرۆسی هاتینە تۆمارکرن”.

دوپات کر، ” ژ ڤێ هژمارێ 50 ژێ ژ کادرێت ساخلەمیێ نە و ئەز ژی ل نێڤ دە کە بەری چەند هەیامەکێ یە ئەز ب ڤایرۆس کەتم لێ سوپاس ژ خودێ رە من دەرباس کر”.

و گۆت ژی، ” هەتا نوهە پتر ژ 250 کەسی ژ ڤی ڤایرۆسی ساخبووینە و ڤەگەریاینە نێڤ مالێت خوە و پتر ژ 17 کەسان ژی هەتا نوهە ب ئەگەرێ ڤی ڤایرۆسی مرینە”.

هەروەها زەلال کر، ” هژمارەک ژ خەلکێ هەیە وەک یاری ڤی ڤایرۆسی دبینن و ب جندی وەرناگرن و نیشانێت ڤایرۆس لبا وان خوەیا دبن لێ پا سەرەدانا رێڤەبەریا ساخلەمیێ ناکن و ب ڤێ یەکێ ژی دبنە ئەگەرێ پتر بەلابوونا ڤایرۆسی”.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close