نووچە

نڤیسینگەها رزگارکرنا رەڤاندیێت ئێزیدی وێ بەردەوام بە هەتا تالی رەڤاندیێ خەلاس بکە

ئێزیدی 24 ــ دهۆک

ل سێی تەباخا 2014ێ، رێکخستنا تیرۆرستی ئا داعش هێرش کرە سەر قەزا شنگال و دۆروبەرا و ب هەزارا وەلاتیێت سڤیل یێت ئێزیدی ژبا داعش ڤە هاتنە رەڤاندن کە پتریا وان ژن و زارۆک بوون، پشتی شەش سالا ل سەر کۆمکوژیێ رە نڤیسینگەها رزگارکرنا رەڤاندیێت ئێزیدی تالی ئامارا نڤیسینگەهێ یا رزگارکرنا رەڤاندیان ئاشکەرا دکە.

“حسێن کۆرۆ” بەرپرسێ نڤیسینگەها خەلاسکرنا رەڤاندیێت ئێزیدی ل پارێزگەها ژ “ئێزیدی 24” رە پەیفت و گۆت، ” ژ پێشیا ڤەکرنا نڤیسینگەهێ ڤە ل پارێزگەها دهۆکێ ب فەرمان و پشتەڤانیا بەرێز نێچیرڤان بارزانی سەرۆکێ حکومەتا هەرێما کوردستانێ یا وی وەختی و سەرۆکێ هەرێمێ یێ نوهە و هەتا نوهە 3537 کەس هاتینە خەلاسکرن، 339 مێر و 1202 ژن و یێت مای زارۆنە و ژ هەردۆ رەگەزاینە”.

“کۆرۆ” گۆت ژی، “ئەم وێ بەردەوام بن ل سەر کارێ خوە و لێگەریان ل رەڤاندیێت ئێزیدی هەتا کە تالی رەڤاندیێ خەلاسبکن”.

هەروەها زەلال کر، “مە پێزانینێت تەمام هەینە کە هژمارەکا مەزن ژ رەڤاندیێت ماین ل پارێزگەها نەینەوا و وەلاتێ سوریانە و تایبەت کەمپا هۆلێ و ل هنەک جهێت دی ژی هەینە ل عیراقێ و سوریا و ئەو لسەر خەتێ نە دا کاربن هژمارا هەرا پتر ژ وان خەلاسبکن”.

و دا خوەیاکرن، ” نووچەیێ دیتنا هژمارەک ژ رەڤاندیێت ئێزیدی ل وەلاتێ یەمەن هاتە بەلا کرن لێ وان لسەر ڤی بابەتی کارکر و ب جهێ کە ئەڤ بابەت بەلاڤکری رە پەیوەندی کرن لێ پا تشتەکی ئەکید نەبوو و ئەو لسەر کارێ خوە د بەردەوامن و هەکە هات و وان چ تشتێ نوو زانی وێ ژ رەئیا گشتی رە راگەهینن”.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close