راپورتنووچە

خۆرتیێن ل کەمپا دا گازنا ژ نەبوونا دەرفەتیێن کاری دکەن

ئێزیدی24 – مەروان داود

پشتی دەرباسبوونا شەش سالا ب سەر جینۆسایدا ئێزیدیا دا ل شنگالێ و ئاوارەبوونا ب هەزارا خەلکێ بۆ هەرێما کوردستانێ و ب تایبەت پارێزگەها دهوکێ و هاتنا قەیرانا دارایی ب سەر عراقێ ب گشتی و هەرێما کوردستانێ دا و نەبوونا دامەزراندنێ بو دەرچوویێن زانینگەهـ و پەیمانگەها ڤێ یەکی ژی وەکریە دەرفەتێن کاری کێم ببن تایبەت ل نێڤ کەمپا.

“حەواس سەمیر” یەکە ژ وان خۆرتێن ئاوارە ل پەیڤا خوە دە ژ “ئێزیدی24” رە گۆت،“ئەڤ سێ سالن من خوەندنا خوە ل زانینگەهێ ل بەشێ کۆمەلناسیێ تەمام کریە لێ نەهاتیمە دامەزراندن، دسالا من وەک وانەبێژ ل کۆمەلگەها شاریا کار کر بو هەردوو خوەندنێت زمانێ عەرەبی و کوردی”.

خوەیاکر ژی،“ب وی کاری من نکاری مالا خوە خوەدان بکم نەچار بووم دەست ژ کارێ وانەبێژیێ بەردم و بەرێ خوە بدەمە کارەکی دیتر کا هەر چ کار بێ هەتا کاربم مالا خوە پی خوەدان بکم”. ‏

هەروسا “فارس حەسەن” ژ “ئێزیدی24” پەیفت و گۆت،“ژ 2014ـێ ڤە ئەز ل کەمپێ دە دژیم دگەل مالباتا خوە و ئەز خوەندنکارم، بەلەنگازیێ رێ نەدا من کاربم خوەندنا خوە تەمام بکم، و دەرفەتێن کاری ژی دکێم بوون و ب دەست من نەکەتن”.

خوەیاکر ژی،“ئاوارە بوونێ گەلەک تەعدە ل خەلکێ مە کر و ژبەر کە پتریا وان نکاریبوون چ تشتا ب خوە رە بینن لەوما بتر ژ خەلکێ دیتر دحەوجەی کارکرنێ بوون لێ کار ژی ب دەست خەلکێ نەدکەت”.

خۆرتەکی دی ب ناڤێ “فیراس غانم” دبێژێ ،“قەیران لدو قەیرانێ ب سەر عراقێ ب گشتی دە تێن و رێژا بێکاریێ بلند دبێ و کارتێکرن لسەر ژیانا هەموو هاوەلاتیێن عراقی کری یە لێ زەرەرمەندێن هەرێن مەزن ژ ئەڤێ قەیرانێ ئاوارەینە ژبەر نەبوونا دەرفەتێن کار ل نێڤ ئاوارەیان دا و نەبوونا چ مووچە و داهاتا هەتا کاربن پی ژیانا خوە ب رێڤەببن”.

گۆت ژی،“هاتنا کۆرۆنا ژی تەعدەیەکە مەزن ب شێوەیەکی راستەخۆ لسەر ئاوارا کر دەرفەتێن کار کێم کرینە ل نێڤ کەمپا دا و ژ لایەکی دیڤە کێمبوونا وان رێکخراوێن مافێن مرۆڤ ژی کێمبوون”.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close