راپورتنووچە

پشتی ئاوارەبوونا خەلکێ شنگال، گەلۆ پەیوەندیێت وان ب خەلکێ دەڤەرێت کە ئاوارەبووینێ دچاوانە؟

ئێزیدی24 – مەروان داوود

پشتی هێرشا داعش بۆ سەر شنگالێ ل 3ـی تەباخا سالا 2014 و ب هەزارا ئێزیدی بوونە قوربانی و ب هەزارا ئاوارە و دەربەدەر بوون، پشتی ماینا خەلکێ شنگال ب گشتی و ئێزیدی ب تایبەتی پەیوەندیێت وان ب خەلکێ وان دەڤەرێت ئاوارە بووینێ ب هێز بووینە.

“فیراس سمۆ” ئاوارەیەکی ئێزیدی یە ژ “ئێزیدی24” رە گۆت،“ئەز خەلکێ کۆمەلگەها تل قەسب بووم ل باشوورێ چیایێ شنگالێ ل وەختێ هاتنا داعش ئەم ئاوارەیی کۆمەلگەها شاریا بوون و ئەڤە شەش سالن ئەم ل وێدەرێ دمینن و پەیوەندیێت مە ب خەلکێ وێ دەڤەرێ گەلەک ژی د باشن ب تایبەت ژی ژ ئالیێ کۆمەلایەتی ڤە”.

گۆت ژی،“نەبتنێ ژ ئالیێ کۆمەلایەتی ڤە پەیوەندیێت مە ب هێزن بەلێ ژ ئالیێ ئابووری ژی ڤە پەیوەندیێن مە دگەل خەلکێ دەڤەرێ ب گشتی د باشن و داینوستاندنەکە باش هەیە”.

هەروسا “هۆگر نەجیب” یەک ژ ئاکنجیێن کۆمەلگەها شاریا یە ژ “ئێزیدی24” رە گۆت،“ پەیوەندیێت بهێز هەر ژ کەڤن دە ل نێڤبەرا هەموو دەڤەرێت ئێزیدیا دە هەبوون،ئەڤ شەش سالن خەلکێ مە یێ شنگالێ ب مەرە دژین و ئەم بوونە جینارێت یەک و پێکرە ئەم بوونە خودان کار و پەیوەندیێت مە ژ هەموو ئالیا ڤە بهێزن و د باشن و هەتا نوهە چ ئاریشە ل نێڤبەرا مەدە نینن”.

“ئەمین شەمۆ” ژی دبێژی،“ئەم بەری فەرمانا سالا 204ـێ هاتبوونا دەڤەرا باعەدرێ و پەیوەندیێت مە دگەل خەلکێ وێ دەڤەرێ د باش بوون لێ پشتی خەلکێ مە ژ شنگالێ دەربەدەر بووی و هاتیە دەڤەرێ ئەو پەیوەندی باشتر لێهاتن ب تایبەت ژ ئالیێ کۆمەلایەتی ڤە”.

خوەیاکر ژی،“ل باعەدرێ تاخەک هەیە ب ناڤێ تاخێ شنگالێ کو هندەک ژ وانە خەلکێ باعەدرێ یێ رەسەنن و چ جاران ئەم ب چاڤێ دەڤەرێ و جیهێ جوگرافی یێ بەرێ سەرەدەریێ دگەل یەک و دۆ ناکن”.

“زەعیم سیسبەیانی” ژی ژ “ئێزیدی24” رە پەیفت و گۆت،“یەک ژ مفایێت ئاوارەبوونا خەلکێ شنگال خورتتر بوونا پەیوەندیا بوو دگەل خەلکێ دەڤەرێت کە ئاوارەبووینێ ژ هەموو ئالیێت ژیانێ ڤە”.

ل تالیێ گۆت،“خەلکێ شنگال بووە ئەگەرێ لڤینەکە ئابووری و هەروسا ژ ئالیێ جڤاکی ژی ڤە پتر نیزیکی خەلکێ ڤان دەڤەرا بوون و عادەت و تەقالیدێت یەک پتر ناسکرن”.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close