نووچە

مەسعود بارزانی ژبەر مرنا بابێ رۆحی یێ ئۆلا ئێزیدیان سەرساخیێ ل وان دکە

ئێزیدی 24 ــ هەولێر

مەسعود بارزانی سەرۆکێ پارتی دیموکراتی کوردستان، ئیرۆ رۆژا پێنج شەمێ 01-10-2020 ژبەر وەغەرا تالیێ ئا بابێ رۆحی یێ ئۆلا ئێزیدیان و بلندترین لێڤەگەرێ وێ ئۆلێ سەماحەتا بابە شێخ “خرتۆ حەجی ئیسماعیل” سەرساخی ل ئێزیدیان دکە”.

و ل سەرساخیێ دە وەها هاتیە:

ب ناڤێ خودایێ مەزن و دلۆڤان

ب خەمەکا مەزنڤە ئێڤاریا رۆژا پێنچشەمبێ 1ی 10ی 2020 کەسایەتیێ ئۆلی و سەرۆکێ رۆحانی یێ ئۆلا ئێزیدیان (شێخ خرتۆ حەجی ئیسمایل ) بابا شێخ ل باژارێ ھەولێرێ کۆچا داویێ کر، بابا شێخ کەسایەتیەکێ ئۆلی یێ دیار و نیشتمانپەروەرێ کوردێ ئێزیدی بوو کو ل ھەموو رەوشەکێ دا سەدەما خێرخوازی و چارەسەرکرنا کێشەیان بوویە ل ناڤ خویشک و برایێن مە یێن ئێزیدی و ژبۆ بەلاڤکرنا تەبایی و پێکڤەژیانێ کێماسیێ نەکریە، ل ھەمان دەمێ دا ژی بابە شێخ ھێمایەکێ ئۆلی و مەعنەوی بوو و ب تایبەتی ژی ل رەوشا نھا دا ژ دەست دانا وی خوسارەتەکا مەزنە.

سەرەخوەشیێن خوە پێشکێشی میر حازم تەحسین بەگ میرێ ئێزیدیان و جڤاتا رۆحانی یا ئۆلا ئێزیدیان و کەسایەتیێن ئۆلا ئێزیدیان و مالبات و کەسوکارێن بابا شێخ و تەڤاھیا خویشک و برایێن ئێزیدی ل کوردستان و ھەموو جیھانێ دکم و خوە ب ھەڤبەشێ خەما وان دزانم، ژ خوەدایێ مەزن ھیڤیدارم روحا بابا شێخ بختە بەر رەحمەت و دلۆڤانیا خوە و ھەدار و ئارامیێ ب ھەموو ئالیەکێ ببەخشیت.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button