نووچە

نەشوان، نموونەیەک ژ هۆنەرێ شنگالە و پێکڤەژیان ل تابلۆیێت وی دە خوەیادکە

ئێزیدی24 – مەروان داود

نەشوان خەلۆ خۆرتەکی 15 سالی یە خەلکێ ناحیا گرعزێرە ل باشوورێ چایێ شنگالێ و نوهە ئاوارەیە ل کەمپا ئێسیان و خوەندنکارە ل پۆلا نەهێ، رۆژانە ئێش و ئازارێن خەلکێ دبینێ و وێنەکێشانا وان ئێش و ئازاران دکەت.

نەشوان ل پەیڤا خوە دە ژ “ئێزیدی24” رە گۆت،”ل سالا 2010 من دەست ب کارێ وێنەکێشانێ کر، ل دەستپێکێ من وێنە ل گۆر عەمرێ خوە چێدکرن وەک وێنەیێت بالندە و دارا و هتد..”.

هەروەها گۆت،“پشتی فەرمانا 2014/8/3 من گەلەک تشتێن ب زەحمەت دیتن کە نە ل گۆری عەمرێ من بوون ژبەر وێ یەکێ بەهرەیا من یا وێنەکێشانێ بەرەب ئارستێ ئێش و ئازار و خەما ڤە چوو و ئەز نوهە وێنەیا ل سەر جینۆسایدا ب سەرێ ئێزیدیا دا هاتی چێدکم”.

زێدەتر ژی گوت،“وەختێ ئەزی بچووک بابێ من وێنە چێدکرن من بەرێ خوە ددایێ و من گەلەک حەز ژ وێنەیا کر و من وێنە چێکرن و حەزا چێکرنا وێنەیا ل با من پەیدابوو و بابێ من گەلەک هاریکاریا من کر هەتا ئەز گەهاندیمە ڤێ قۆناغێ”.

گوتژی،“وێنەیێن من دەربرینێ ژ بابەتێن جۆرا و جۆر دکەن بەلێ پتر ئەز لسەر پێکڤە ژیانێ رە چێدکم ژبەر کوردستان وەلاتێ پێکڤەژیانێ یە ئێزیدی و مەسیحی و موسلمان ئەم وەک خێزانەکێ پێکرە دژین و چ فەرق و جدایی دناڤبەرا مەدا نینە”.

خوەیاکر ژی،“من سێ پێشانگەهـ ڤەکرینە یەک ل سەنتەرێ VOPیێ کەمپا ئێسیان و یەک ب هاریکاریا ڕێکخراوا ژیان ل ئامادەییا کەمپا ئیسیان و یا سیێ ل باژارێ دهۆکێ”.

ل تالیا پەیڤا خوە دە ژ “ئێزیدی24” رەگۆت،“هەتا ئەز گەهشتمە ڤێ قۆناغێ گەلەک کەس هاریکاریا من کر و بەردەوام دگەل من دابوون ژ وان ژی باب و هەڤال و ماموستایێت من، داخوازا من ژ جیهەتێت بەرپرس ئەوە کو پتر گرنگیێ ب بەهرەمەندێن ئاوارا بکن ب تایبەتی ئەوێت حەمر بچوک دا کارێ خوە باشتر وچێتر بکن وگرنگیێ ب هۆنەرێ شنگال بێتە دان”.

هەتا نوهە نەشوان 300 وێنە چێکرینە و وی شیانێت چێکرنا وێنەیێت زەیتی هەیە و بەردەوام ل سەر بەهرەیا خوە کاردکە دا بەرب پێشڤە بچە.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close