نووچە

مەلا تەلال: کادیمی سپۆنسەریا رێکەتنەکا مێژوویی کر کە دەستهەلاتا حکومەتا فیدرالی ل شنگال ب هێز دکە

ئێزیدی 24 ــ بەغداد

ئیرۆ 09-10-2020، وەفدەکی حکومەتا هەرێما کوردستانێ ب حکومەتا عیراقێ رە کۆمبوو ژبەر چارەسەرکرنا کێشەیێت قەزا شنگال و ئیدارا وێ ب مەبەستا ئامادەکاریان بۆ ڤەگەریانا ئاواران، گۆتەبێژێ سەرۆک وەزیرێت عیراقێ ” مستەفا ئەلکادیمی ” ل تویتەکێ دە راگەهاند کە کادیمی سپۆنسەریا رێکەتنەکا مێژوویی کر کە دەستهەلاتا حکومەتا فیدرالی ل شنگال ب هێز دکە.

ئەحمەد مەلا تەلال، گۆتەبێژێ سەرۆک وەزیرێت عیراقێ راگه‌هاند: “ئیرۆ مستەفا ئەلکادیمی، سەرۆک وەزیرێت عیراقێ، سپۆنسەریا رێکەتنەکا مێژوویی کر، کە دەستهەلاتا حکومەتا فیدرالی ل شنگال ب هێز دکە لگۆری دەستووری، لسەر ئاستێت ئیداری و ئەمنی و تالیێ ب دەستهەلاتا جەماعەتێت دەرڤەیی ب ئینە”، زێدەتر گۆت “کە ئەڤ رێکەتنە ب هەماهەنگی ب حکومەتا هەرێما کوردستانێ رە رێکێ لبەر ئاڤاکرنا باژاری و ڤەگەریانا تەمامەتیا ئاوارا خوەش دکە”.

هەروەها خوەیاکر، “ئەوا یێت دی شکەستی تێدە ئانی، ڤێ حکومەتێ ب رێیا چاندنا متمانا هەڤبەش و پێشکێشکرنا نیازپاکیێ تێدە ب پشتبەستن ب سیاسەتەکا پۆلایین سەرکەفتی بوو و بەرەڤ ڤەگەریانا ئاسایش و سەقامگیری و ئاڤاکرنێ بۆ شنگال و ڤەگەریانا هەموو خەلکێ وێ بۆ مالێت وان.”

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close