كوردستاننووچە

خوەندنا زمانێ کوردی ل شنگال ل ناڤ پۆلا دا دێ برێڤەچە

ئێزیدی24 – باسم قاسم

 

دوهـ 9/10/2020 وەزارەتا پەروەردێ ل هەرێما کوردستانێ ل بەلاڤۆکەکێ دە دەستپێکا سالا خوەندنێ دەستنیشانکر.

وەزارەتا پەروەردێ دیارکر، کو ل 10ی 10ی 2020دەستپێکا دەواما فەرمی یە بۆ خوەندنکارێت قۆناغێن یەکێ و دووێ ل ناڤ پۆلا دا و هەروەسا دەستپێکا خوەندنا ئەلکترۆنی یە بۆ پۆلێن ژ 3-11 کە وێ ب رێیا پلاتفۆرمێت خوەندنگەهێت خوە ل ماڵپەرێ www.ewane.krd کاربن بخوەندن.

“شهاب ئەحمەد” بەرپرسێ پشکا کارگێری ل پەروەردا شنگال یا زمانێ کوردی ژ “ئێزیدی24” رە دیاکر و گۆت،“ئەم وەکە رێڤەبەریا گشتی یا پەروەردا قەزا شنگال یا زمانێ کوردی هەردەم ئاگەهداری رەوشا خوەندنکارێت خوەینە ل هەر جهەکی و ئەم ناهێلن ب چ شێوەیەکی خوەندنا وان ب تنە بچە”.

بتر گۆت،“پشتی مە وەک کارگێریا پەروەردێ چەندین کۆمبوون ئەنجامداین مە بریار دا ل دەڤەرا شنگالێ ب تەمامێ خوەندن دناڤ پۆلا دا دەست پێ بکەت و خوەندنکارێت مە خوەندنا خوە ببنە سەرا ژبەر لدەڤەرا شنگالێ مە پرسگرێکێت مەزن ل ئالیێ ئەنترنێتێ دە هەینە و ب وان هەمووا چێنابێ ب شێوازێ ئەلکترۆنی خواندنا خوە ببنە سەرا”.

زێدەتر گۆت،“ل ڤان نێزیکا دا ئەم بریارێ بدن خوەندنکارێت مە ل ناڤ وان هەموو کەمپێن ل سنورێ پارێزگەها دهۆکێ ژی خوەندنا خوە ل ناڤ پۆلا دا ببنە سەرا ژبەر ئەو ژی د رەوشەکا خەراب دا ژیانا خوە دەرباس دکەن، وهەکە ب مە چێنەبوو ژی و خوەندکارێت مە گەلەك بن ل ناڤ یەك پۆلێ دە مە لبەرە ئەم خوەندنا خوە بکەن دوو بەش و هەر خوەندنکارەکی بتنێ سێ رۆژان دەوامێ بکەت دناڤ پۆلێ دە”.

ل تالیێ گۆت،“ل رۆژێن دەرباس بووی دە مە وەک رێڤەبەریا پەروەردا قەزا شنگالێ بریار دا 25 خوەندنگەهێت خوە یێت ئامادەیی و سەرەتایی ل باکوور و باشووری چیایێ شنگالێ دەرگەهێ وان لبەر خوەندنکارا ڤەکەن دا ئەو بێ بەهر نەبن ژ خوەندنێ”.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close