راپورت

گەلۆ بۆچوونێن خەلکێ شنگال ل سەر رێککەفتنا هەردوو حکومەتا چینە؟

ئێزیدی24 – مەروان داوود

پشتی ل رێکەفتی 2020/10/9 پەیڤدارێ سەرۆک وەزیرێ عراقێ راگەهاندی کە عراق و کوردستان لسەر پرسا شنگالێ گەهشتنە رێککەفتنەکە دیرۆکی ئەڤێ یەکێ وەکر کە دیتن و بۆچوونێن جدا جدا بێنە گۆتن ژ ئالیێ خەلکێ شنگالێ ڤە.

“دخیل جوانا” خۆرتەکی ئێزیدیە بۆچوونا خوە وەسا ژ ئێزیدی24 رە خوەیاکر،“زێدەباری نەبوونا ئیدارەكە شەرعی ، ئەڤ دەمەكە شنگال بوویە جھێ گروپێن چەكدار و ھێزێن نە یاسای ژ ئەگەرێ ڤێ یەکێ خەلكێ شنگال نکاریبوو ڤەگەرێ سەر جھ و مولك و مالێت خۆ، لێ ئیرۆ ب ڕێکكەفتنا ھەردوو حكومەتا ب سەرپەرشتییا یونامی مە ھیڤیەك ھەیە دیسا بارودۆخێ شنگال ئاسایی ببێ و خەلكێ مە ڤەگەرێ ب قەدر و كەرامەت دا شنگال بھێتە ئاڤاكرن و دیسان قیمەتێ خوە ھەبێ”.

گۆت ژی،“شنگال ئەڤ دەمەكە یا بریندار و بتنێ مە دڤێ برینا وێ بێتە دەرمانكرن ژبەر مە گەلەك زەحمت دیتیە و ئەڤ رێککەفتن د بەرژاوەندیا خەلکێ مە دە بێ”.

“فارس فلاح” ژی دبێژە،“هەر چەندە رێککەفتن گەلەک دەرنگ هاتە کرن دڤیا هەر ل دەسپێکێ رێککەفتبان لسەر پرسا شنگالێ، ئەڤ ژی پێنگاڤەکە هەرا باشە ژ خەلکێ شنگالێ را بۆ ئاسایی کرنا رەوشا دەڤەرێ ئەز ب باشترین چارەسەری دبینم ژبەر خەلک د ژیانا ئاوارەبوونێ دا گەلەک ل هیڤیێ بوون ڤەگەرنە دەڤەرێت خوە”.

دیارکر ژی،“نە ئامادەبوونا کەسایەتیەکی شنگالی د رێککەفتنێ دە بوو جهێ دلگرانیا خەلکێ مە، مە دڤێ هەموو خالێن ئەوێ رێککەفتنێ یێن نەهاتینە بەحسکرن د بەرژوەندیا خەلکێ شنگالێ دابن ب گشتی و ئێزیدیا ب تایبەتی”.

دیسانێ “ئۆسمان ساڵح” ژ ئێزدی24 رە گۆت،“ل پێشیێ ئەم خێرێ د خوازن، ئەز دبینم رێککەفتن باشترە، ژبەر ناکوکیێن ل ناڤبەرا ھەردوو حکومەتا دا گەلەک تەعدە ل شنگالێ بوو، وەکە خزمەت گۆزاری ،ئیمناهی ،نەبوونا دەستهەلاتەکە شەرعی”.

هەروەها گۆت،“تشتێ مە ژ ڤێ رێککەفتنێ دڤێ
ئاڤاکرنا دەڤەرێ ب گشتی و قەرەبووکرنا مالێن قوربانیێن جینۆسایدێ، ھێزەک ژ خەلکێ شنگال بخوە بێیە چێکرن ل بن سەرپەرشتیا کیژ حکومەتی دا بێ، و ب بەردەوامی پشتەڤانی لێ بێتە کرن و ئەو کەسێن دەست دگەل داعش دە هەبوون ل دۆر و بەرێن مە ل دەمێ فەرمانێ بێنە دادگەهـکرن”.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close