ئێزیدی24 – شنگال
رێڤەبەریا پەروەردا شنگالێ يا زمانێ کوردی ئیرۆ رۆژا پێنج شەمێ 05-11-2020، ژمارا خوەندەکارێت خوە یێت کە ب ڤایرۆسێ کۆرۆنا کەتین راگەهاند، و تەئکید کر کە خوەندنا ئەلکترۆنی ل شنگالێ گەلەکە ب زەحمەتە.
رێڤەبەرێ پەروەردا شنگال يا زمانێ کوردی “مەیسەر حەجی سالح” ل داخویانیەکا رۆژنامەڤانی دە گۆت، ” ژ پێشیا بەلابوونا ڤایرۆسێ کۆرۆنا و هەتا نوهە پتر ژ 500 خوەندەکارا ژ یێت مە ب ڤایرۆسێ کۆرۆنا کەتینە و ئەم زانن ژمارا وان پترە بەلێ پتریا پیکەتیێت ڤی ڤایرۆسی ل شنگالێ پشکنینێت تایبەت ب ڤایرۆسێ کۆرۆنا ژ خوە رە ناگرن”.
خوەیاکر ژی، کە ” رەوشا خوەندنا ئەلکترۆنی ل جهێ کە بچنە خوەندنگەهـا ل قەزا شنگالێ ب ئاوایەکی باش برێڤە ناچە و ب رێژە 20% ژ خوەندەکارا ڤی سیستەمی ب کار ناینن ئەو ژی ژبەر نەبوون یان نە باشیا هێلا ئینتەرنێتێ یە ل قەزایێ”.
هەروەها رێڤەبەرێ پەروەردا شنگالێ داخواز ژ خوەندەکار و مالێت خوەندەکارا دکە کە پێگریێ ب رێنمایێت خوەپاراستنێ ژ ڤی ڤایرۆسێ مەترسیدار بکن”.
