كوردستاننووچە

پشتی شەش سالا ژ ڕەڤاندنا وی، زاروەکی ئێزیدی ژ تورکیا هاتە خەلاسکرن

ئێزیدی24 – دهۆک

 

پشتی شەش سالا ژ ڕەڤاندنا وی ژ ئالیێ داعش ڤە ل وەختێ هێرش کریە سەر قەزا شنگال ل باکووری رۆژئاڤایێ عراقێ ئیرۆ “بەرزان ئیبراهیم خەلەف عەمۆ” ژ تورکیا هاتە خەلاسکرن.

بەرزان ئیبراهیم ( 8 سالی) ژ گوندێ تل قەسەبێ کەڤنە ل باشوورێ چایێ شنگال دگەل مالا خوە هەمووێ هاتبووە ڕەڤاندن کە سێ ژوان بەری نوهە هاتبوونە خەلاسکرن و هەتا نوهە چارەنڤیسێ داک و بابێت وی نەی خوەیایە، ئیرۆ ل ئەنقرە رادەستی مامێ وی هاتە کرن.

مامێ وی “عومەر خەلەف عەمۆ” ژ “ئێزیدی24” رە گۆت،“بەری سال و نیڤەکێ مە زانی کە ل تورکیا یە ل با خێزانەکە تلەعفەری کە رابووبوون ب خودانکرنا وی وەختێ ئەو یێ ڕەڤاندی و پشتی گەلەک هەولا و پشتی مە رێکارێت یاسایی ب دوماهیک ئانین هاتە رزگارکرن”.

گۆت ژی،“ئەم سوپاسیا هەموو ئالیا و کەسایەتیا دکن کە هاریکاریا مە کرن ل خەلاسکرنا بەرزان و تەمامکرنا رێکارێن یاسایی و ژ خودێ دخوازن کە هەموو گرتی بێنە رزگارکرن”.

تێیە زانین کە رێکخستنا داعش پتر ژ شەش هەزار ئێزیدی ڕەڤاند ژ هەردۆ ڕەگەزا و حەمرێت جدا جدا و هەتا نوهە چارەنڤیسێ پتر ژ دهەزار ئێزیدی نەی خوەیایە.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close