راپورتنووچە

ل شنگال ل دژن و ل کەمپان ل گەلن.. پشتی پەسەندکرنا یاسایا قەرزان دێ چ ل رێککەفتنا شنگالێ هێت؟

ئێزیدی24 – کاروان باعەدری

ڕێککەفتنا شنگالێ یا کو دناڤبەرا حکومەتا هەرێما کوردستانێ و عیراقێ دا هاتیە کرن بۆ ئاسایکرنا ڕەوشا شنگالێ، کاردڤەدانێن ناڤخۆیی و نێڤدەولەتی ب دووڤ خوەڤە ئانین.

سەرەرایی کە وەڵاتێن جیهانی ژوان ژی فەرەنسا و ئەمریکا و ئوردن و چەند وەڵاتین دی پێشوازی ل وێ ڕێککەفتنێ کرن، لێ ئێزیدی کرنە دووبەش بەشەک ژوان پشتەڤانێن رێککەفتنێ بوون و بەشەکی دی ژی ل دژی دەرکەفتن.

ئێزیدیێن کو ل کەمپا دمینن پشتەڤانیا خۆ بۆ ڕێککەفتنێ دیارکرن، ب پێنگاڤەکا مەزن ل قەلەم دان و خوەنیشاندان چێکرن و خوەستن زوو ب زوو ڕێککەفتن بکەڤیتە دوارێ جێبەجێکرنێ دا.

ژ لایەکی دی ڤە، ئێزدیێن ل شنگالێ ژی دمینن خوەنیشاندان چێکرن و دیارکرن کە ئەڤ ڕێککەفتن بێ رەزامەندیا ئێزیدیا هاتیە کرن، بێ گوهدانا ئێزیدیانە ئەڤ ژی جهێ “نە ڕازیبوون و نە قەبوولکرنێ یە”.

بۆچوونا مەحەما خەلیل، قایمەقایمێ شنگالێ یێ کە هاتیە دوورئێخستن ژ ئالیێ هێزێن ناڤ شنگالێ ژی ئەوە،“ڕێککەفتن دناڤبەرا دوو حکومەتا ل سەر ئاستەکی باڵایە و هەر پرسگرێک یان ئالۆزیەک بکەڤیتە دناڤبەرا وان دا دێ کارتێکرنێ ل جێبەجێکرنا رێککەفتنا شنگالێ کەت”.

” ئەوا دوهـ ل پەرلەمانێ عیراقێ چێبووی و یاسایا قەرزان هاتیە پەسەندکرن ل دژی هەرێمێ، ئەڤە دێ بیتە ساڕیی و رێگریەک ل هەمبەر هەردوو حکومەتا” خەلیلی وسا گۆت.

ئاماژە ژی کر، پێتڤیە کێشە و ئالۆزیێن دناڤبەرا هەردوو حکومەتا نەمینن، ژبەر پرسێن چارەنڤیساز ل پێشیا هەردوو حکومەتانە و تایبەت ژی ئاسایکرنا ڕەوشا شنگالێ.

ڕێککەفتنا شنگالێ یا دناڤبەرا دوو حکومەتا دا هاتیە کرن، چەند تەوەر بخوەڤە دگرتن ژوان ژی ئەولەهی و رێڤەبەرێ و خزمەتگۆزاری، ئەڤە ماوەیەکە ئەڤ ڕێککەفتن ل سەر ئاستێ بلندێ هەردوو حکومەتا هاتیە کرن بەلێ چ پێنگاڤەکە کارا نەهاتیە هاڤێتن.

هەر سەبارەت ڤێ ڕێککەفتنێ هێزێن ل شنگالێ ب تایبەت حەشدا شەعبی و لقێن سەر ب ڤێ هێزێ ڤە ئەڤ رێککەفتن ب “پیلانگێری” ل دژی هێزێن وان وەسفکرن و دیارکرن ئەو ب چ ڕەنگەکی شنگالێ چۆل ناکن.

هەڤدەم یەبەشە و ئیدارەیا خوەسەرا شنگالێ ژی ڕێککەفتن ب دژی ئیرادەیا ئێزیدیا ب ناڤکرن، ئەڤ ددەمەکی دایە کو نوهە زێدەتری ٣٠٠ هەزار کەسێن شنگالێ ل کەمپا دا ژیان دکن.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close