راپورتنووچە

تۆپبارانا تورکی مەترسی لسەر ئاوارێت شنگالێ ل کەمپا دەرکارێ ل قەزا زاخۆ چێکریە

ئێزیدی 24 ــ لەیت حسێن

سەرباری راگەهاندنا ب تالی هاتنا ئۆپراسیۆنێت عەسکەری ل سەر ئاخا هەرێما کوردستانێ، تۆپبارانا تورکی ل دەڤەرێت سنووری یێت دنێڤبەرا هەرێما کوردستانا عیراقێ و تورکیا دە ب حجەتا هەبوونا ئەندامێت پارتا کارکەرێت کوردستانێ ل وان دەرا بەردەوامە.

ل هەیاما چووی دە تۆپبارانەکە زێدە ل چایێ خامتير و گوندێت سنووری ل ناحیە دەرکارێ سەر ب قەزا زاخۆڤە ژبا باڵەفر و سوپایێ تورکی ڤە تێتە کرن.

ئاوارێت وێ کەمپێ ژی ژ ڤان بۆردومانا نە درادی نە و رەخنێ لێ دگرن ژبەر کە لگۆری گۆتنا وان دەڤەرێت تێنە تۆپباران کرن نێزیکن ژ وان و ترس و دوو دلیێ لبا خێزان و زارۆکێت وان پەیدا دکە.

رێڤەبەرێ ناحیە دەرکارێ ل قەزا زاخۆ ب وەکالەت “شەلاش فندی” ژ “ئێزیدی 24″ رە خوەیاکر، ” ل هەیاما کێمتر ژ هەفتیەکێ دە سنوورێ ناحیە دەرکارێ و ژ وان ژی ناڤچەیا شەرانش و دەڤەرێت نێزیک ژ شکەفتا بهێری پتر ژ 80 تۆپی لێ کەتینە”.

زەلال کر ژی، ” تۆپەک ل سبەها رۆژا چارشەمێ ل نێزیکی کەمپا دەرکارێ ئا ئاوارێت شنگالێ کەت، و ئەڤ تۆپبارانکرنا زێدە دبە ئەگەرێ پەیدابوونا ترس و نەرەحەتیێ لبا ئاوارا و خەلکێ دەڤەرێ ژی”.

زێدەتر گۆت، ” ئەڤ بۆردومان بووینە ئەگەرا تەعدەکا مادیا زێدە هەر ژ پێشیێ و هەتا نوهە و ب ڤێ ئەگەرێ ژی خەلکێ گوندێت سنووری کۆچ کرینە بەلێ سوپاس بۆ خودێ چ تەعدا جانی نەبوویە”.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close