راپورتكوردستان

گەلۆ ئیسال وەکە سالێت چووی دەخل و دان وێ ل شنگال ئێتە چاندن؟

ئێزیدی24 – مەروان داوود

 

شنگال یەکە ژ دەڤەرێت کە پشت ب چاندنیێ دبەستێ، سالێت چووی ب هەزارا دۆنەمێن ئەردێ هاتبوونە چاندن لێ پایا هەرە پتر ژ وی دەخل و دانی شەوتی، ژ هنەک ژێدەرێت نە دخوەیا.

ئیسال ژی وەرزێ چاندنا دەخل و دانی دەستپیکریە، سالانە ل دەڤەرا شنگال و دەورو بەرێن وێ 350 هەتا 400 دۆنەمێن ئەردێ ب دەخل و دان تێنە چاندن ، لێ د ڤان سالێن دەرباسبوویی دە مەترسیا شەوتاندنا دەخل و دانی هەبوو ، لێ ئیسال مەترسیەکە دی ژی هەیە ئەوژی کێم هاتنا بارانێ یە.

“تەیۆ خوەدێدا”، یەکە ژ جووتیارێن دەڤەرا شنگال ژ “ئێزیدی24” را گۆت،“بەری هاتنا داعش هەرسال مە ئەردەکی بەرفرەهـ ل دەڤەرا وەردیی دکرا دەخل و دان لێ پشتی هاتنا داعش بۆ ماوەیێ چەند سالا ئەو ئەرد بەیار دمان و نەدهاتنە چاندن، لێ جارەکا دی پشتی رزگارکرنا شنگال ئەم ڤەگەریان و مە دەست ب چاندنا ئەردێ کر ب دەخل و دان و پتریا بەرهەمێ ئەم دچینن ژی گەنمە”.

 

گوت ژی،“د سالێن دەرباسبووی دا ڕووبەرەکی بەرفرەهـ ژ ئەردێ کو بەرهەمێ مە یێ دەخل و دان یێ تێدا چاندیبوو هاتە شەوتاندن و خەلک گەلەکی زەرەرمەند بوو، لێ ئیسالا ژی مەترسی هەیە بەس نە وەکە سالێن چووی ژبەر ئیسال گەلەک خەلک ڤەگەریایە و چاڤدێریا ئەردێ ب شێوەیەکی بەردەوام تێتە کرن”.

”خوەدێدا” خوەیاکر ژی،“مەترسیا مە ئیسال ژ کێم هاتنا بارانێ یە پتر ژبەر پتریا بەرهەمێ ئەم دچینن یێ دێمە، و داخوازیا مە ژ ئالیێت پەیوەندیدار ئەوە هاریکاریا جووتیارا بکن ب تایبەت د بوارێ کەرستێن پێدڤی بۆ چاندنێ ”.

هەر لدۆر ڤی بابەتی رێڤەبەریا پشکا چاندنێ ل ناحیا سنونێ د چاڤپێکەفتنەکە رۆژنامەڤانێ دا ڕاگەهاندبوو، کە هەر ژ دەستپێکا هەیڤا نەهـ دە وان داخوازیێت جووتیارێت شنگالێ ب بەلگە گەهاندینە پارێزگەها مووسڵێ و چاڤەرێ بریارا وانن دا کو ب بهایێ حکومەتی بزر و گازێ ب سەر جوتیاران دا دابەش بکەن.

دووپات ژی کربوو، کە کەرتێن گازێ گەهشتینە وان و لیستێن ناڤە ژی وێ ئێنە ئامادەکرن د چەند رۆژێت تێ دە هەر یەک وێ کەرتا خوە وەرگرێ دا کو گازا خوە ژ ویستگەهێن حکومی وەرگرێ و دەست ب چاندنا خوە بکەت.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close