نووچە

“قاسم شەشۆ” بۆ “ئێزیدی24” : من دەست ژ کار کێشا ژبەر رێز ل ماقول و ریهسپیێت شنگال نەهاتە گرتن

ئێزیدی24 – دهۆك

پشتی روودانێت ڤێ تالیێ یێت کە ل دانینا بابەشێخ دە چێبووین، ئێڤاریا ئیرۆ دشەمێ (17 نۆڤەمبەرێ) سەرکردەیێ ئێزیدی “قاسم شەشۆ” دەست ژ کارکێشانا خوە ژ پارتی دیموکراتیا کوردستان ڕاگەهاند.

“شەشۆ” ژ “ئێزیدی24” رە گۆت،“من رێز ژ سەرکردایەتیا پارتی دیموکراتی کوردستان و مالا میرا رە هەیە لێ ئیهانەکرن و رێزلێنەگرتن و نەهێلانا چوونا وان بۆ ناڤ هۆلێ ل مەراسیمێت دانینا بابەشێخ نایە قەبوول کرن و من ل سەر ڤی بنەمایی دەست ژ کارکێشا نە ل سەر بنەمایەکی خوەیەتی”.

خوەیاکر ژی،“ئەم نە دژی چ بەربژێراینە یێت کە خوە بەربژێر کرین بۆ گرتنا جهێ بابەشێخ و مە رێز ژ وان رە هەیە و چ جدایی ل نێڤبەرا وان دە نینە لێ دانینا وان بێی کە رایا ئێزیدیێت شنگال ببن و ب بریارەکە تاکە کەسی ژ حازم تەحسین بەگ نائێنە قەبوول کرن و ئەم دانپێدانێ نە ب بابەشێخی دکن ئەوێ حازم داینێ و نە ب حازم تەحسین بەگ دکن وەک میرێ ئێزیدیا”.

“شەشۆ” ئاماژە ژی کر،“ژ مێژ ئەز خزمەتا پارتی دکم و من پارتی خوەشدڤێ لێ ئەز ل پەیڤا خوە ڤەناگەرم چ جارا”.

ئەڤ پێشهات پشتی پشت گوهئاڤیتنا ئێزیدیێت شنگال ل مەراسیمێت دانینا بابێ شێخ و نەڕازیبوونا وان ل سەر بریارا میر حازم تەحسین بەگ و چێکرنا کۆمبوونەکێ ل مەزارگەهێ شەرفەدین ل باشوورێ چایێ شنگال تێن.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close