كوردستاننووچە

ب مەبەستا دیارکرنا میکانیزمەکێ جێبەجێکرنا رێککەفتنا شنگالێ، هەردوو حکومەتێت هەرێمێ و عیراقێ کۆمبوون

ئێزیدی 24 ــ هەولێر

ئیرۆ رۆژا سێ شەمێ 17-11-2020، شاندەكی حکومەتا عیراقێ ب سه‌رۆكاتیا قاسم ئه‌عره‌جی، شیرەتکارێ ئاسایشا نیشتمانییا عیراقێ و جێنین هانس پلاسخارت، نوونەرا نەتەوێت یەکگرتی ل عیراقێ ب به‌مه‌به‌ستا دیارکرنا میکانیزمەکێ بۆ جێبەجێکرنا رێککەفتنا شنگالێ و ئاساییکرنا رەوشا وێ قەزایێ سەرەدانا پارێزگەها هەولێرێ کر.

شاندێ حکومەتا عیراقێ کۆمبوون ب حکومەتا هەرێما کوردستانێ رە هەر ژبەر هەمان مەبەست کرن و ل پشت رە ژی ل کۆنگرەکی رۆژنامەڤانی دە هەردوو ئالیان ئەنجامێت کۆمبوونێ ئاشکەرا کرن.

قاسم ئه‌عره‌جی، شیرەتکارێ ئاسایشا نیشتمانییا عیراقێ ل کۆنگرێ رۆژنامەڤانی دە راگەهاند، “پێنگاڤێت باش بۆ ئاساییكرنا رەوشا شنگالێ ل نێڤبەرا حكومه‌تا هه‌رێما كوردستان و حكومه‌تا فیدرال هاتینە دانین و تەئکید ژی ل پێدڤییا دەرکەتنا هێزێت بیانی ژ وێ قەزایێ کر”.

هەروەها گۆت، “ئیراده‌یه‌كا گەلەکا راستگۆ هه‌یه‌ بۆ ئاساییكرنا رەوشا شنگالێ هەیە و كه‌یسا شنگال گەلەکا هه‌ستیاره‌ و پێدڤی یە هه‌موو ئه‌و هێزێت بیانی یێت ل شنگالێ، وی سنووری ب جیبهێلن”.
ژئالیێ خوەڤە نوونەرا تایبەتا سکرتێرێ گشتیێ نەتەوێت یەکگرتی ل عیراقێ خوەیاکر، ” مەلەفێ ئەمنی ژ خەلکێ شنگالێ رە گەلەکێ گرنگە و هەروەها دڤێت هەموو ئالیەک هاریکاربە بۆ دووبارە ئاڤاکرنا ڤێ قەزایێ”.

وەزیرێ ناڤخۆیا حکومەتا هەرێما کوردستانێ ژی کە نوونەراتیا حکومەتا ناڤبری دکر پشتی کۆمبوونێ و هەر ب رێیا کۆنگرێ رۆژنامەڤانی گۆت، ” هەموو ئالیەک کۆكە لسه‌ر وێ یەکێ کە دڤێت رێککەفتنا شنگالێ وەكە خوە بێتە جێبەجێکرن”.

تەئکید ژی کر، کە “هه‌ردوو ئالی لسەر وێ یەکێ رێککەفتن، ب هەڤبەشی ئیدارەیەك بۆ شنگال بێتە دانین و دڤێت تنێ خەلکێ شنگال ئیدارەیا باژارێ خوە بکن”.

ئەڤ ژی ل دەمەکی دەیە کە ل 9ی مەها ئۆکتۆبەرا دەربازبووی هەردوو حکومەتێت هەرێمێ و عیراقێ رێککەفتنەکا چەند خالی لسەر شنگالێ ئیمزاکرن.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close