نووچە

وەرزێ زڤستانێ مەترسی ژ ئاوارێت شنگال رە چێکریە، دخوازن هاریکاریا وان بێتە کرن

ئێزیدی 24 ــ لەیت حسێن

سڕ و سەرمایا وەرزێ زڤستانێ مەترسی لسەر ژیانا ئاوارا ل کەمپا دە چێکریە و ژ وان ژی ئاوارێت ئێزیدی ل کەمپێت پارێزگەها دهۆکێ ل هەرێما کوردستانێ لۆما ئەو داخواز دکن کە حەوجەیێت وەرزێ زڤستانێ ژ وان رە بێنە دابینکرن.

لسەر ڤێ یەکێ رە ئاوارێ ئێزیدی “جەلال شنگالی” یێ ل کەمپا دەرکارێ ل قەزا زاخۆ ژیان دکــە ژ “ئێزیدی 24″ رە خوەیاکر،”ڤێ هەیاما تالی رێژا باران بارینێ ل هەرێما کوردستانێ گەلەک زێدە بوویە و تایبەت ژی ل دەڤەرێت چیایی و کەمپێت مەژی ل دەڤەرێت چیایی نە و سەقا گەلەکێ جەمدی یە”.

زێدەتر گۆت، ” خزمەتگوزاری گەلەک دکێمن و تایبەت حەوجەیێت وەرزێ زڤستانێ وەکە ” بەتانیێت باش و ئامیرێت گەرمکرنێ و گازا سپی و مەحفور ژی ژبەر کە وەرزێ زڤستانێ ل رێ دەیە و هەتا نهوە چ تشت ژ ڤان نەداینە مە”.

“شنگالی”، برێیا ئێزیدی 24 داخوازەک ئاراستەی هەموو ئالیێت کاربدەست کر کە حەوجەیێت وەرزێ زڤستانێ ژ وان رە دابین بکن ژبەر کە پێشبینی تێتە کرن کە ئیساڵ جدا بێ ژ سالێت چووی”.

ژئالیێ خوەڤە رێڤەبەرا کۆچ و کۆچبەرا و بەرسڤدانا قەیرانا ل پارێزگەها دهۆکێ “مەنال محەمەد” ل لێدوانەکێ دە ژ “ئێزیدی 24″ رە گۆت، ” وان ب هەماهەنگی ب هەموو کارگێریێت کەمپا رە ل پارێزگەهێ پرۆگرامێ خوەی تەمام بۆ وەرزێ زڤستانێ ئامادەکرینە کە هەموو حەوجەیێت ڤی وەرزی بخوەڤە دگرە دا ژ ئاوارا رە بێنە دابینکرن”.

و تەئکید کر، “مە ئەڤ پێشنیار ب یەک فایلی پێشکێشی ناڤەندا هەڤبەشا هەماهەنگیا قەیرانا ل هەولێرێ و وەزارەتا کۆچ و کۆچبەرێت عیراقێ کریە و ئەم لهێڤیا بەرسڤەکێ نە ژ وان”.

تێیە زانین کە ئەڤ پتر ژ شەش ساڵا یە خەلکێ شنگال کە پتریا وان ئێزیدی نە ئاوارەیی هەرێما کوردستانێ بووینە و هەتا نوهە رەوشا وان یا خرابە وەکە کە هنەک چاڤدێرا گۆتی و حەوجەی گەلەک هاریکاریاینە.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close