راپورتكوردستان

ب ڤەگەریانا خەلکێ رە بۆ شــنگال، لڤین کەتیە بازاری

ئێزیدی24 – مەروان داوود

 

پشتی کە ل هەیاما ڤێ تالیێ ژ هەیڤا حزێرانێ دە کاروانێت خەلکێ شنگال دەست ب ڤەگەرێ کری، لڤینەکە گەرم کەتیە بازار و هێدی هێدی زێدەتر لێ تێ ب زێدەبوونا مالێت ڤەگەریایین رە.

رێکخراوا تیرورستیا داعش، باژارێ شنگال تالانکرن و ژێرخانەیا وی هەرفاندن و نوهە خەلک گاڤ ب گاڤ دخوازن باژارێ خوە وەکە بەرێ بکن ب هاریکاری دگەل رێکخراوا، لێ هەتا نوهە چ گاڤێت حکومی لێ نەهاتینە دیتن، ئەڤ یەک ژی بوویە ئەگەرێ زێدەبوونا لڤینا بازاری ل دووڤ گۆتنا هنەک چالاکڤانا.

“ماهر خەلەف” خۆرتەکی خەلکێ شنگالە ژ “ئێزیدی24” رە گۆت،“بازارێ شنگال نە گەلەکی مەزنە و خەلک ب هژمارێت باش ڤەگەریاینە و هەموو ژی مژوولی ئاڤاکرنا مالێت خوەینە لۆما نوهە لڤینەک کەتیە بازاز و چەند بچە ئەڤ لڤین زێدەتر دبێ”.

هەروسا گۆت،“شنگال دوورە ژ پارێزگەها و گەلەک دکان ل گوند و کۆمەلگەهێت دۆروبەرێت شنگال نینن لۆما فشار کەتیە سەر سەنتەرێ قەزایێ و خەلک ب گشتی سەردانا وێ دکەن بۆ کرینا کەل و پەلا”.

دیسا “فارس فەلاح” ژ “ئێزیدی24” رە گۆت،“ ئەڤە نێزیک شەش مەهایە ئەم ڤەگەریاینە شنگالێ ل نوبەرێ دەرفەتێن کار د کێم بوون لێ هێدی هێدی دگەل ڤەگەریانا خەلکێ ئەو دەرفەت زێدەدبن، و خودان کار و شوغلکار د ناڤا شنگالێ ب خوە داینە، ئەز ل کارگەها چەمەنتۆ یا شنگالێ کار دکم و ژبەر هەبوونا داخوازێ ل سەر چەمەنتۆیێ هەرۆژ بەرهەمێ وێ زێدەتر دبێ”.

خوەیاکر ژی،“زێدەتر داخوازی ل سەر ماددێن بلۆک و چەمەنتۆ و ڕەمل(خیز) و هێسن هەیە ژبەر پتریا خەلکێ مالێت خوە ئاڤا دکن ژ بەر پتریا وان ل وەختێ هێرشا داعش هاتنە هەرفاندن”.

“ئەرکان خوەدێدا” ژی دبێژە،“ل نوبەرا خەلاسکرنا شنگالێ ژ دەستێ داعش ئەم ڤەگەریانە گوندێ وەردیێ ل قبلەتی چایێ شنگالێ و نوهە گەلەک خەلک ڤەگەریاینە گوندێ مە و پتریا وان ژی مژولی کرین و فرۆتنا تەرش و تەوالی نە و بازارێ وان ژی یێ گەرمە”.

ل پەیڤا خوە دە ژ “ئێزیدی24” رە زەلال ژی کر،“گەلەک خواست ل سەر بەرهەمێ ئاژەلا ژی هەیە و هەرۆژ ئەم بەرهەمێ تەرش و تەوالێ خوە دبنە بازارێ شنگال و ب شێوەیەکی باش تێتە فرۆتن”.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close