راپورتكوردستان

حەیات، شێوەکارەکە ئیش و نەخوەشیێت ئێزیدیا ب تابلۆیێت خوە خوەیا دکە

ئێزیدی24 – مەروان داوود

شێوەکارا کەچ حەیات دخیل یا بەرنیاس ب “دالیا ئێزدی”، خەلکا شنگالێ یە و نوهە ئاوارەیە و ل کۆمەلگەها شاریا ژیان دکە، ل زانینگەها دهۆک، کۆلیژا پەروەردا بنیات پشکا زمانێ ئینگلیزی دخوەندێ و ژدایک بوویە سالا 1997ـە.

هەڤشێوەیی هەموو بەهرەمەندێت شنگال و تایبەت ئێزیدیا حەیات دخوازێ تابلۆیێت وێ ببنە نامەیەک و خەلکێ تێ بگەهینێ کە چ ب ئێزیدیا هاتیە و ل چ ئیش و نەخوەشیا دە ژیانێ دەرباس دکن.

“حەیات” ژ “ئێزیدی24” رە پەیفت و گۆت،“ئەڤە دەمەکە من دەست ب کارێ هۆنەرێ وێنەکێشانێ کریە ، و د ئەڤی دەمێ کورت دا من کاری بوو هنەکە ژ وان ئێش و نەخوەشیێت ب سەرێ ئێزیدیا دا هاتین ل عراقێ وێنە بکم”.

هەروسا خوەیاکر،“ئەز گەلەک حەز ژ کێشانە وێنەیا دکم ژبەر د هزرا من دا وێنەکێشان هەستەکی خەیالیە دەربرینی ژ واقعی دکەت ، ب تایبەت ژی ئەو واقعێ کو ئێزیدی و هەموو پێکهاتێن دی یێت کێم تێدا دژین و زولم و زۆری ل وان تێتە کرن ژبەر وێ یەکێ پتر کارێ من یێ وێنەکێشانێ دەربرینێ ژ ڤان ب سەرهاتیا دکەت”.

دەخیل زێدەتر گۆت،“هەتا نوهە من نێزیک 70 تەبلۆیی هەینە و بەردەوام ژی لسەر کار دکم ، و ل ده‌ستپێكا سالا 2020 من پێشانگه‌هه‌كا شێوه‌كاری یا تایبەت ب تابلۆیێن خوە ڤەکر و تێدا هژماره‌كە مەزن یا تابلویێن خوه‌ نیشاندان، ل زانکویا دهوک کولیژا پەروەردا بنیات پشكا زمانێ ئینگلیزی”.

زەلال ژی کر،“من پشکداری د بەریکانا UNHCR دکر و دناڤە 20 سەرکەفتیێن ئێکێ دابووم ژ سەرجەمێ 2000 پشکداران کو ژ 100 وەلاتێن جدا جدا بوون ل جیهانێ و ئەز بتنێ ژعراقێ بووم کو خەلاتێ رێزلینانێ من ب دەست خوەڤە ئانی”.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close