نووچە

50% رێژا پیکەتنێ ب ڤایرۆسێ کۆرۆنا ل پارێزگەها دهۆکێ کێم بوویە

ئێزیدی 24 ــ لەیت حسێن

هەیاما پێنج رۆژایە رێژا پیکەتنێ ب ڤایرۆسێ کۆرۆنا ل سنوورێ پارێزگەها دهۆکێ ب ئاوایەکی بەرچاڤ کێم بوویە، و ساخلەمیا پارێزگەهێ ژی داخوازێ دکە وەلاتی پتر پێگریێ ب رێنمایێت خوەپاراستنێ ژ ڤی ڤایرۆسی بکن دا رێژا پیکەتنێ هەر نزم ببە.

“حەمزە رەزیکی” بەرپرسێ راگەهاندنا رێڤەبەریا گشتی یا ساخلەمیا پارێزگەها دهوکێ ژ “ئێزیدی 24″ رە خوەیاکر، ” کە ل هەیاما ڤان چەند رۆژێت چووی دە رێژا پیکەتنێ ب ڤایرۆسێ کۆرۆنا ل سنوورێ پارێزگەها مە ب رێژا پتر ژ 50% کێم بوویە”.

هەروەها زەلال کر، ” براستی ئەڤ کێم بوونە بۆ سێ ئەگەرا ڤەدگەری ئەو ژی ژبەر گرتنا دەرگەهێت خوەندنگەها و پێگریا خەلکێ ب رێنمایێت خوەپاراستنێ و پیکەتنا زێدە یا خەلکێ پێش نهوە”.

گۆتژی، ” دنهوە دە 13121 کەس ل بن چارەسەرکرنا پزیشکی دەینە و رەوشا 120 پیکەتیێت ڤایرۆسێ کۆرۆنا ل پارێزگەها دهۆکێ نەیا باشە و 15 ژ وان ل بن چاڤدێریا پزیشکی یا چڕ دەینە”.

برێیا ئێزیدی 24 بەرپرسێ راگەهاندنا رێڤەبەریا گشتی یا ساخلەمیا پارێزگەها دهۆکێ داخواز ژ خەلکێ کر کە پتر پێگریێ ب رێنمایێت خوەپاراستنێ بکن دا رێژا پیکەتنێ ب ڤایرۆسێ کۆرۆنا ل پارێزگەها دهۆکێ هەر نزم ببە و ئەو ژی دپاراستی بن ژ ڤی ڤایرۆسی.

ژ پێشیا بەلابوونا ڤایرۆسێ کۆرۆنا و هەتا نهوە 2959 کەس ل سنوورێ پارێزگەها دهۆکێ ب ڤی ڤایرۆسی کەتینە و ژ وان ژی 15865 ژ ڤی ڤایرۆسی ساخبووینە و 604 کەس ژی پێ مرینە.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close