هۆنەرمەندێ ئێزیدی “ئیبراهیم خەلیل” سترانەک ل سەر جانگۆریێت ئێزیدیا ل ئەرمینیا بەلاکر

ئێزیدی24 – ئەلمانیا

هۆنەرمەندێ ئێزیدی “ئیبراهیم خەلیل” کە نوهە ل وەلاتێ ئەلمانیا ژیان دکە، بەری چەند رۆژایە سترانەکە نو ب ناڤێ “ئەم نامرن” بەلا کر.

سترانا “ئەم نامرن” ژ پەیڤ و ئاوازێت هۆنەرمەندێ ناڤهاتی نە و ل ستۆدیۆیا IBOSTUDIO PRODICTION هاتیە تۆمارکرن و ئەرۆ نازاریان سەرپەرشتیا مۆزیکێ کریە.

“خەلیل” ژ “ئێزیدی24” رە گۆت،“ئەڤ ستران من ژ بۆ جانگۆریێت ئێزیدیا یێت ل کەراباخێ ل شەرێ ئەرمینیا و ئەزربێجانێ دە جانێ خوە کرینە قوربان گۆتیە”.

زەلال کر ژی،“حەوجەیە هەموو هۆنەرمەند پشتەڤانیا گەلێ خوە بکن وەختێ دکەڤیە تەنگاڤیا وەک چاوا خەلکێ مەیێ ئێزیدی ل ئەرمینیا کەتیە بەر شەڕ و نەخوەشیا”.

ئیبراهیم خەلیل(20 سالی)، هۆنەرمەندەکی ئێزیدی یە، ل وەلاتێ ئەلمانیا مەزن بوویە و نوهە ل ور دمینێ و چەندین بەرهەم و ستران هەینە و نوهە کار ل سەر چەند سترانێت نوو دکە.