نووچە

پەروەردا شنگالێ ئا زمانێ کوردی میکانیزما هەلبژارتنا وانەبێژا ئاشکەرا کر

ئێزیدی 24 ــ دهۆک

رێڤەبەریا پەروەردا شنگالێ ئا زمانێ کوردی راگەهاند کە ب هەزارا دەرچوویا بۆ وانەدانێ بۆ خوەندەکارا ل خوەندنگەها مامەلە پێشکێشی وان کرینە و تەئکید کر کە میکانیزما هەلبژارتنا وانەبێژا پتر لسەر پێدڤی بوونا دەڤەرێ یە.

“مەیسەر حەجی” رێڤەبەرێ پەروەردا شنگالێ ئا زمانێ کوردی ژ “ئێزیدی 24” رە گۆت، “وان ب هەزارا مامەلێت دەرچوویا وەرگرتینە بۆ وانەدانێ ل خوەندنگەها وەک وانەبێژ لسەر میلاکێ پەروەردا مە و ژبەر هەلبژارتنا وان مە لیژنەک پێکئانی یە و هژمارا وانەبێژێت کە ئەم پێدڤی 950 وانەبێژن”.

تەئکید کر، کە “ئەولەویەتا هەلبژارتنێ ژ دەرچوویێت کولیژا رەیە لێ ل هنەک دەڤەرێت شنگالێ و کەمپێت ئاوارە دەرچوویێت کولیژا نینن، لۆما دەرچوویێت پەیمانگەهـ و قۆناغا ئامادەی وێ ئێنە قەبوول کرن ئەو ژی لگۆری پێدڤییا دەڤەرێ”.

دا زانین ژی، “هەتا نهوە ناڤێت یێت قەبوول کری نەهاتینە راگەهاندن و ل وەختێ هەبوونا هەر تشتەکی ژبا وەزارەتا پەروەردا حکومەتا هەرێما کوردستانێ ل ڤی بواری دە ئەم ژی وێ راگەهینن ژبەر کە ئەم سەر ب وان ڤەینە و بریارە ل چەند رۆژێت کێم یێت بێ دە بێنە راگەهاندن”.

رێڤەبەرێ پەروەردا شنگالێ ئا زمانێ کوردی زێدەتر گۆت، ” وانەبێژێت کە ل چەند سالێت چووی دە دەوام کرین مافێ وان پترە براستی ل دەوامکرنێ ل ئیسال ژی و ئەم ژی ب وێ یەکێ ڤە مژویلن”.

تێتە زانین کە پشتی کۆمکوژیا ئێزیدیان ئەوا ل هاڤینا سالا 2014ێ ل قەزا شنگالێ ل رۆژئاڤایێ پارێزگەها نەینەوا هاتیە ئەنجام دان، پرۆسەیا پەروەردێ پتر پشت ب وانەبێژا بەست ئەو ژی ژبەر چوونا گەلەک مامۆستایە بۆ ژ دەرڤەی وەلات.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button