راپورتكوردستان

ئاراز، ل ناڤبەرا حەزا کاری و خوە ڕاگریا ژنێ دە ب ئۆنڵاین کار دکە

ئێزیدی24 – ذياب غانم

 

“ئەز گەلەک حەزدکم کاربکم، و من باوەری ب کارینێت خوە هەیە بەلێ بێی پشتەڤانی ئەز نکارم چ گاڤا باڤێژم، ئەز و هۆنەر پێکڤە دگرێداینە و چیرۆکەک درێژ ل ناڤبەرا من و هۆنەر دا هەیە”

ئاراز شەمۆ، کچەکا ئێزیدی یە خەلکا کۆمەلگەها خانکێ یە لێ نوهە ل باژارێ دهۆکێ ژیان دکە، دەرچوویا کولیژێ یە بەشێ شێوەکاری، کارێ وێنەکێشانێ و شێوەکاریێ و نیگارکرنێ دکە.

ناڤهاتی، حەزەکە مەزن بۆ کارێ خوە هەیە و نە بتنێ وێنەیا بەلێ کارینێت بەرفرەهـ هەینە دا گەلەک کارێت هۆنەری بکەت، ب رێکا ئۆنڵاین تایبەت ئەپلیکەیشنا ئینستگرام وێنەیێت خوە دفرۆشێ.

https://instagram.com/lawha.art97?igshid=14376x483siwn

شەمۆ ژ “ئێزیدی24” گۆت،“ئەز و هۆنەر پێکڤە دژین، ل خوەندنێ دە، ل مال، ل ئینتەرنێتێ دا، ل جهێ کاری، هەر وەخت و ل هەر جهی ئەم پێکڤەینە و بوویە وەک دیاردەیەکێ ل با من”.

خوەیاکر ژی،“هەکە مرۆڤ حەز ل سەر کارێ خوە هەبێ و پشتەڤانی لێ بێتە کرن، یەکسەر ژی ئافرەت تشتەکی گەلەک باشە، مامۆستا و مالا من گەلەک پشتەڤانێت منن لۆما من ئەڤ کار هەلبژارت”.

دیسانێ گۆت،“هەر چەندە گەلەک داخوازی ل سەر وێنەیا نینە لێ ئەڤ یەک نەبوویە رێگر که دەست ژ کارێ خوە بەردەم، هەر چاوا بێ ئەز ل سەر کارێ خوە بەردەوام بم بەلێ ئەز حەوجەی پشتەڤانیا خەلکێ خوەیمە”.

زەلال ژی کر،“ژن و کەچا ژی ماف هەیە کاربکن و گەلەک کەچ و ژنا بەهرە هەینە لێ ژبەر کە وەک پێدڤی پشتەڤانیا وان نەهاتیە کرن دەست ژ بەهرەیێت خوە بەرداینە، لێ ژ وان رە دبێژم وە ژی مافێ کارکرنێ هەیە، کاربکن”.

ئاراز، هەر ژ بچووکاتیا خوە دە حەزژێکەرا هۆنەر بوویە و یەکە ژ وان ئافرەتێت کێم ئەوێت ڤی کاری دکن ب رێکا ئۆنڵاین و ل دووڤ حەزا داخوازکەری.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close