کەچەکە ئێزیدی یا خەلاسبووی ژ دەستێ داعش گەهشتە کەس و کارێت خوە

ئێزیدی24 – دهۆک

ئیرۆ یەکشەمێ، کەچا ئێزیدی یا خەلاسبووی ژ دەستێ داعش “رافیدە نایف عیسا” کە بەری هەیڤ و نیڤەکێ یە ژ کەمپا هۆلێ یا سووری هاتبوو دەرێخستن گەهشتە کەس و کارێت خوە ل پارێزگەها دهۆکێ.

کورمامێ وێ “ویسام جەلال” ژ “ئێزیدی24” را گۆت،“ئەم گەلەکێ دکێف خوەشن ب هاتنا رافیدە و ژ خودێ دخوازن هەموو گرتیێت ئێزیدیا ژ دەستێ داعش خەلاسببن”.

گۆت ژی،“پشتی کە هەیڤ و نیڤەک ل مالا ئێزیدیا یا هەرێما جزیرێ بۆراندین ڤێ سبەهێ گەهشتە مە”.

و سوپاسیا هەموو ئالیێت کە دەست ل خەلاسکرنا وێ دە هەبوو کر تایبەت مالا ئێزیدیا یا هەرێما جزیرێ.

رافیدە نایف عیسا، ژ گوندێ عزێر یێ دکەڤیە باشوورێ چایێ شنگال ژ با داعشێ ڤە هاتبوو ڕەڤاندن و ژدایکبوویا 1997ـێ یە و بریارە ل کەمپا ما ڕەشان یا ئاوارا ل سنوورێ قەزا شێخان ئاکنجی ببێ.