نووچە

هۆنەرمەند دەخیل ئۆسمان وێ ئەلبومەکی نوو بەلاکە

ئێزیدی 24 ــ لەیت حسێن

هۆنەرمەندێ ئێزیدی و خەلکێ شنگالێ “دەخیل ئۆسمان” کار لسەر چێکرنا ئەلبومەکی 12 سترانی دکە دا ب کلیپ بەلابکە و هنەک ژ وان ژی لسەر شنگال و غەریبیێ رەینە.

ناڤهاتی لسەر ئەلبومێ خوەی نوو رە ژ “ئێزیدی 24″ رە خوەیاکر، ” ئەڤ ئەلبومە 12 سترانی یە، 3ـێ ژ وان ژ پەیڤ و ئاوازێت سەعید ئۆسمانن لێ پەیڤێت عەرەبی یێت سترانەکێ ژ وان یێت منن و هەروەها سترانەکا دی ژ پەیڤێت هۆزانڤان حەجی قیرانی یە و ئاوازا منە لێ 8 سترانێت دی یێت ماین هەموو ژی ژ پەیڤ و ئاوازێت من بخوەینە”.

زەلال کر ژی، “ژبەر کە خەلک وەکە پێدڤی گرنگیێ ب زمانێ مە نادە لۆما لسەر خوە فەر دبینم برێیا چێکرنا سترانا و گۆتنا وان بەرەڤانیێ ژ زمانێ مەی شنگالێ بکم و من سۆز ژی دایە هەر سال نێزیکی 10 سترانا ب زمانێ مەی شنگالی چێکم”.

هەروەها ” ئۆسمان” گۆت، ” هنەک گۆت گۆت هەبوون کە دگۆتن هنەک ژ ڤان سترانا نە ژبا دەخیلن و چەند تشتێ وەها هاتە گۆتن لێ ئەو تشت ب تەمامی نە راستن و ئەڤ هەر 8 ستران هەموو ژ پەیڤ و ئاوازێت منن”.

“ل تالیێ ژی دخوازم ب زووترین وەخت شنگال وەکە جارێت بەرێ ڤەگەریێ دا ئەز ژی جارەکا دی ل وارێ خوە ڤەگەریم و هەمبێزا دۆست و هەڤال و ئاخا ئێزیدخانا خوە بکم”، ئۆسمانی وەها پەیڤا خوە ب تالی ئانی.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close