نووچە

جڤاکا ئێزیدی … گوهەرینێت سەردەمی و دیاردە

گەلۆ جڤاکا ئێزیدی وەک خوە مایە؟

ئێزیدی24 –  مەروان داوود

گوهەرین دیاردەکە ب هەر جڤاکەکی را مەزن دبێ ژ سەردەمەکی بو سەردەمەکی دیتر د هەموو بیاڤیێن ژیانێ دا، ئەو گوهەرین چ ئەرێنی بن یان ژی نەرێنی بن. جڤاکا ئێزیدی ژی یەک ژ وان جڤاکایە کە گەلەک کاودان ب سەر دە هاتین وڤان کاودانا تەعدە لێ کر.

وەکە کە هنەک چاڤدێر دبێژن، ل ڤان سالێن داویێ دا و ب تایبەت پشتی هاتنا داعش بۆ دەڤەرێت ئێزیدیا هنەک دیاردە و گوهەرین کەتینە دجڤاکێ ئێزیدی دە.

“دیار خەتاری” چالاکڤانەکی ئێزیدی یە دبێژە،”ژ روویێ ئۆلی ڤە هنەک گوهەرین کەفتینە رێ و رسمیێن ئێزیدیا دا، و پتریا رێ و رسمێت ئۆلی یێن ئێزیدیا گرێداینە ب کاودانێن سروشتی ڤە ، لێ وەک ئۆل پێکهاتیە ژ کۆمەک پەرەنسیپێن خۆجهـ و نەگۆڕ نابێت ب چ شێوەیا ئەو پەرەنسیپێن ئۆلی بێنە گوهەریێن ژبەر کەلتۆرێ مللەتەکی کەڤنارن”.

خوەیاکر ژی،”واقعێ جڤاکێ مە ژ بەر نەبوونا دەزگەهەکی خودان پەرەنسیپ یێ ب رێڤەبەرن و گرنگیدانا کاروبارێت ئۆلێ نفشێن نوو گەلەک هەستێ جێبەجێکرن وگرنگیپێدان ب رێ و رسمیێن ئۆلی نینە ، هندەک نموونێن دیار ژی ژ وان ژی میرێ ئێزیدیا ب چ ڕەنگا نابێت بێ جل وبەرگ و ریهـ و ڕەحمانی بێ ، ئەندامێن جڤاتا روحانی نابت ئێرۆ ژبەر سەردەرگەهێن لالشێ خۆ ب سالۆخەتێن ئێزیدیاتێ بکەن وسبە دەرگەهی بهێلنو ڤەگەرینە سەر ژیانا نۆرمال ، ئان ژی قەول بێژ ب کراڤات و برجوازیەت قەولا ب رێز کەت ، ئەڤ کاریگەریێ ل سەر باوەریا گەنجا دکە ب نەرێنی”.

“خەتاری” ل پەیڤا خوە دا ژ “ئێزیدی24” زیدەتر گۆت،”سەرەرایی ئەڤێ مالوێرانیا ئێزیدیا دا ل ڤان قۆناغێن هەستیار دا هنەک خالێت باش ژی تێدانە ب تایبەت ژی پشتی ئێزیدی ژ دەڤەرێت جدا جدا تێکەل یەک بوویین گوهەرین د ژیانا وان دا پەیدابوون وەک ژ ئالیێ پێکئینانا هەڤژینی و زیدەتر هەست ب خوەشی و نەخوەشیێن یەک و دوو کرن و جوگرافیا وان یا جدا ڕۆل د ڤێ یەکێ دا هەبوو”.

ل تالیا پەیڤا خوە دا گۆت،” پشتی کۆچبەربوونا ئێزیدیا ب رێژەکا مەزن بو وەلاتێن ئەوروپا و تێکەل بوونا وان دگەل کوردا ژ هەموو دەڤەرا چ گوهەرینێت بەرچاڤ نەکەتینە شێوازێ وان یێ ئاخفتنێ ژبەر هەکە ئەم بێژن دیالێکت ب ڕەنگەکی ساناهی ناینە گوهەرین ژبەر گرێدایە ب پەروەردا گەل و جڤاکی ڤە و دکارن بێژن پارچەیەک ژ ناسناما وانە ، لۆما زاراڤ ب سەدێت سالا ژێرە دڤێ”.

“ئەمین دنایی” ژی دبینە، کە” ل سالێت تالی دا گەلەک گوهەرینێت باش دناڤ هزرا تاکێ ئێزیدی دا پەیدا بووینە و ب تایبەت ژی د ناڤ ئێزیدیێت شنگالێ دا ژ وان ژی ئازادیا کەچێ بەرفرەهـ بوویە و کەچێ سەرکرداتی کر مل ب ملێ زەلامی بۆ داخوازکرنا مافێ ئێزیدیا و بەرب زانست و زانینێ چوون و نوهە رێژەکا مەزن یا کەچێت ئێزیدیا ل زانکۆ و پەیمانگەهێت کوردستانێ و عراقێ و ل جیهانی ژی د هەموو بوارا دا دخوەندن”.

بەردەوام بوو و گۆت،”بەری نوهە ئەڤ تشت نەبوو ئەگەرێ نەبوونێ ژی ئەو بوو وەلات و ژینگەها ئەم تێدا ئەڤ تشت قەبول نەدکر و گەلەک جارا بارێ ئابووری یێ خەلکێ رێ نەدا ئەڤێ چەندێ”.

زیدەتر گۆت،” بەری نوهە هەکە سەنتەرێت خۆرتا هەبوون ژی یەکجار د کێم بوون لێ ئیرۆ رۆژ هەکە ئەم لیبنێرن ل هەموو دەڤەرێت ئێزیدیا هەر ئگیەکی سەنتەرێت خۆرتا هەنە و کەچ و خۆرت تێدا کار دکن و هاریکاریا خەلکێ دەڤەرێت خوە دکن ب تایبەت ژی هاریکاریا هەژارا و خوەندنکارا و ئەڤ گوهەرین و داهێنانا ڤان هزرا ژی ب بەردەوامی وێ ل دەرئەنجام جڤاکەکە باش و پێشکەفتی پەیدابێ”.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close