راپورت

ب زێدەبوونا وان رە، نڤیسەرەکێ ئێزیدی پەرتووکەکێ ل سەر دیاردێت جڤاکی بەلاڤ دکە

ئێزیدی24 – مەروان داوود

پشتی کە ب شێوەیەکی بەرچاڤ دیادێت جڤاکی زێدە بوویین، یەکسەر ژی حالەتێت خوە کوشتنێ، نڤیسەرێ ئێزیدی جەمال دەروێش ب پەرتووکەکێ ڤان دیاردا دئازرینێ.

“جڤاک و دیاردە” ناڤ و نیشانێن ڤێ پەرتووکێنە بەریا چەند هەیڤایە دەست ب نڤیسانا وێ هاتیە کرن و نێزیک 100 لگپەلی یە و ژ چاپ و وەشانێت دەزگەهێ لیـــــنا یە و نوهە دقۆناغا چاپکرنێ دایە.

نڤیسەر جەمال دەروێش ژ “ئێزیدی24” را گۆت،”هەر ژ قوناغێت من یێت ناڤنجی من ڕەخنە ل جڤاکا مە گرتی یە و کەتیمە بەر هندەک عرف و عادەتێت شاش دا، هەتا کو گەلەگ جارا ژی ئەز راستی گەنگەشێ و نەحەقیێ بوویمە، لەومە من ب فەر دیت پەرتووکەکێ لسەر ڤان دیاردا بنڤیسم”.

زێدەتر گۆت،”ئەڤ پەرتووک بەحسێ وان هەموو دیاردێت نەجوان یێن دناڤا جڤاکا مە دا هەر ژ سەردەمێت بەرێ و هەتا نوهە ژی ئەو دیاردە تێنە دیتن، تایبەت ئەڤ پەرتووک گرێدایی گەنجێ ئێزیدی یە، من ب وێرەکی بەحسێ هەموو وان تشتێن نە جوان و شاش یێن دناڤا جڤاکێ مە دا کریە، و ل جهێ هەر دیاردەکا نەجوان رێکا چارەسەریێ من بەحس کریە”.

خوەیاکر ژی،”ئارمانجا من ژ نڤیسینا ڤێ پەرتووکێ ئەوە کو تایبەت گەنجێت مە خوە ناس بکە و بتر خوە پێشڤەببە و ڤان هەموو لڤین و دیاردێن نەجوان ئیدی بلا گەنجێت مە ب وێرەکانە لابدەن، و جڤاکێ مە دجاڤێت خەلکێ دا مینا جڤاکێ ئەورووپی ژ لایێ هزر و ڕەوشەنبیریێ و تێگەهشتی و پێشکەڤتنێ ڤە باش ببێ”.

نڤیسەرێ ئێزیدی یێ گەنج جەمال دەروێش ژ دایک بوویێ 1991ـێ یە، ل سالا 2015ـێ چوویە ژدەرڤەیی وەلات و نوهە د وەلاتێ ئەلمانیا ژیان دکــە.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close