راپورت

ڤەکۆلەرەکی ئێزیدی کتێبەک ل سەر دیرۆکا ئێزیدیا ب پیتێت لاتینی بەلاکر

ئێزیدی 24 ــ لەیت حسێن

کتێبا دیرۆکا ئێزیدیا یا ئینگلیزی ژبا ڤەکۆلەر و نڤیسەرێ ئێزیدی داود مراد خەتاری ڤە ب زمانێ کوردی پیتێت لاتینی هاتە وەشاندن و ڤی ڤەکۆلەری ئاشکرا کر وی هژمارەکا بەرهەمێت لسەر کۆمکوژیا ئێزیدیا رە ل بەر دەست هەینە.

ڤەکۆلەرێ ئێزیدی “داود مراد خەتاری” لسەر بەرهەمێ خوەی نوو رە ژ “ئێزیدی 24” رە خوەیاکر، “بەرهەمێ منی 36ێ کتێبا دیرۆکا ئێزیدیایە کە بەرهەمێ ڤەکۆلەرێ ئەمریکی جۆن س کیستە من بۆ زمانێ کوردی، پیتێت لاتینی وەرگێرایە و هەیامەکە درێژ من کار لسەر کریە”.

هەروەها زەلال کر، ” ئەڤ کتێب کۆمەکا روودان و نەخوەشی و ئەلەمێت بسەرێ ئێزیدیا هاتین بخوەڤە دگرە و ژ 600 پەلی پێک تێ ژ قەبارێ مەزن و ژبا وەشانخانا سیتاڤ بۆ بەلاڤکرنێ ڤە ل باژارێ وانێ یێ تورکی هاتیە چاپکرن و بەری نوهە ژی من ئەڤ کتێب ب زمانێ کوردی پیتێت ئارامی چاپکربوو “.

“خەتاری” گۆتژی، ” ژبەر بەلابوونا ڤایرۆسێ کۆرۆنا و رێکارێت خوەپاراستنێ ژ ڤی ڤایرۆسی هەتا نوهە من بریار نەدایە کا ئەزێ ئاهنگا ئیمزاکرنێ و بەلاکرنێ ژێ رە چێکم یان نە”.

گۆت ژی، “من هژمارەکا بەرهەمێت دی ژی لسەر کۆمکوژیا ئێزیدیا و ئێش و ئازارێت مڵلەتێ ئێزیدی رە هەیە و ل پاشەرۆژێ ژی دە هێدی هێدی ئەزێ وان ژی چاپکم”.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close