راپورت

بایدن دێ چاوا بەرێ خۆ دە پێکهاتەییێن عراقێ؟

کاروان باعەدری – ئێزیدی24

پشتی هاتنا جۆ بایدن سەرۆکێ نوویێ هەلبژاردیێ ئەمریکا و جێگرا وی کامالا هاریس ژ پارتا دیموکراتان بۆ سەرۆکاتییا ئەمریکا، شارەزا ددەنە خویاکرن، ئێدی سیاسەتەکە نووی دێ ل هەمبەر جیهانێ هێتە دانان، دبێژن ژی، ئەگەر سیاسەتا ئەمریکا ل هەمبەری پێکهاتەیێن عراقێ باشتر نەبێ، خراپتر نابێ.

د. میرزا دنایی، ژ ئێزیدی24 را گۆت،” سیاسەتا دیموکراتان ل ساڵا 2014ێ دیاربوو ل هەمبەر پێکهاتەیان ژبەر ل وێ ساڵێ دا شەڕ ل دژی داعشێ بەرپاکرن د عراقێ دا، ئەگەر پێکهاتە د عراقێ دا نەبان، نوهە نەخشەیا سیاسیا عراقێ ب ڕەنگەکی دی تربوو”.

ب دیتنا دنایی،”حکومەتا ئەمریکا پابەندە کو پشتەڤانا کەمینەیان بێ، ئەمریکا ستراتیژی و پلانا دیارکری هەیە بۆ هەر حکومەتەکا ئەمریکی، ڤێجا ب وی ڕادەیی گوهەڕین ناینە کرن، ژبەر حکومەتا ئەمریکا ل گەل حکومەتا عراقێ کار ل سەر مەلەفێ پێکهاتەیان دکە”.

وەک ئاماژەدانا دنایی،”ڕەنگڤەدانەکا وسا دیارنابیت کە هەست پێ بکی کە جیاوازیەکا مەزن یا هەی، بەلێ بێ گوومان ئەگەر کابینەیا بایدنی باشتر نەبێ، خراپتر ژی نابێ، و دڤێ وێ یەکێ ژی تێبگەهین کە بایدنی باکگراوەندەکی دۆستایەتی ل عراقێ و ب تایبەت ل گەل کوردان هەیە، ئەڤە ژی کارتێکرنا خۆ هەیە”.

نوهە هەموو فۆکس و چاڤ ل سەر جۆ بایدنی نە، گەلۆ دارشتنا سیاسییەتا وی دێ ل هەمبەر تەڤایا جیهان و رۆژهەلاتا ناڤین ب چی ئاوایی بیت؟

هەر ل گەل ئێکەم رۆژا بایدنی و دەستبکاربوونا سەرۆکایەتییا ئەمریکا، سێ بریار ل سەر ئاستێ جیهانێ دەرکرن، ئەڤێ یەکێ ژی دەنگڤەدانەکا جیهانی ب دووڤ خوەڤە هێلا”.

ل واشتنتۆنێ، ژی کاتۆ سەعدووڵڵا، پسپۆرێ سیاسەتا ئەمریکا، ددە خویاکرن،”ئیدارەیا بایدنی چ گوهەڕینەکا وسا مەزن ل هەمبەر پێکهاتەیان ناکە، ژبەر دارێژەرا سیاسەتا ئەمریکا نەگوهۆرە هەموو سیاسەتا ئەمریکا پشتەڤانیا مافێ مرۆڤان و پێکهاتەیان دکە”.

ب بۆچوونا کاتۆیی،”ئەوا ل ئیدارەیا ترامپی جیاواز بوو، ژبەر مایک پێنسی جێگرێ ترامپی، کەسەکێ دیاربوو کە گڕێدایی ئاینی بوو و مەسیحیەکی دیاربوو، و گرنگی ددا پێکهاتەیان ژی”.

”ئیدارەیا بایدنی ل گەل وەڵاتان دێ بەردەوام بیت دەربارەی ئەو پێکهاتەیێن د وان وەڵاتان دا، بەلێ ب شێوەیەکی گشتی گوهەڕینەکا وسا ڕووی نادەت هەمبەر پێکهاتەیان، کاتۆ وەسا ژ “ئێزیدی24” را دیارکر.

پێکهاتەیێن عراقێ، ب ئێزیدی و مەسیحی و شەبەک و کاکەئیی ڤە، د هاتنا داعشێ دا ڕووبەڕووی کارێن تیرۆری بوون، وچەند جارا ژ جڤاکا ناڤنەتەوەیی و جیهانا دەرڤە خواستینە چارەییەکی ل ڕەوشا وان بکەن.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close