سەرۆک کۆمار پێشوازی ل چالاکڤانا ئێزیدی نادیە موراد کر

ئێزیدی24 – بەغدا

ئیرۆ دشەمێ 1ی شووباتێ سەرۆک کۆمارێ عراقێ بەرهەم ساڵح ل کۆچکا سەلام ل بەغدایا پایتەخت پێشوازی ل چالاکڤانا ئێزیدی نادیە موراد کر.

چەند بابەت ژ با هەردوو ئالیا ڤە هاتنە گفتوگۆ کرن کە هەموو ژی گرێدایی رەوشا ئێزیدیا و قەزایا شنگال بوون.

سەرۆک کۆمار تەئکید ل سەر فەراتیا دابینکرنەکە ژینگەهەکە باش بۆ ڤەگەریانا کۆچبەرێت ئێزیدیا کر و هەروسا رێکخستنا ئیدارەیا قەزایێ.

هەروەسا ساڵح خوەیاکر، کە ئەو ب هیڤی یە کە ب زووترین وەخت یاسایا خەلاسبوویا بێتە باوەرپێکرن و ئاماژە ب وێ یەکێ کر کە پێدڤیە دگەل جڤاکا ناڤدەولەتی کاربکن بۆ زانینا چارەنڤیسێ گرتیێن ئێزیدیا و ڤەگەراندنا یێت ساخ.

ژئالیێ خوەڤە نادیە موراد سوپاسیا سەرۆک کۆمار کر و بەردەوامیا خوە بۆ کارکرن ل سەر کەیسا ئێزیدیا و قوربانیێت تیرۆرێ دا دیارکرن.