كوردستاننووچە

وزارەتا ساخلەمیا هەرێما کوردستانێ: هەموو ئامادەکاری هاتینە کرن ژ بەر جۆرێ نوو یێ کۆرۆنا

ئێزیدی24 ــ هەولێر

 

ئیرۆ رۆژا شەمبیێ 20-02-2021، وزارەتا ساخلەمیا هەرێما کوردستانێ هەبوونا پێنج حالەتێت گومانلێکری یێت ڤایرۆسێ نوویێ کۆرۆنا ل هەرێمێ راگەهاند و خوەیاکر هەموو پێدڤیێت دەستنیشانکرن و تێستا تایبەتا ڤی ڤایرۆسی هاتینە بەردەست کرن.

“ئاسۆ حەوێزی” پەیڤدارێ وزارەتا ساخلەمیا هەرێما کوردستانێ ڕاگەهاند، بەڕێز وەزیرێ ساخلەمیێ، ساخلەمیا پارێزگەها راسپاردینە بۆ ئامادەکاریێت تەمام بۆ پشکنینێ ل بازگەها و تێست کرنا زنجیرا نوویا ڤایرۆسێ کۆرۆنا هەڤ ئاوایێ فڕۆکەخانە و ب دویڤ چوونا بەرکەفتیێت وان و رووپێوكرنا و هەماهەنگی کرن ل نێڤبەرا تاقیگەهێت ساخلەمیا گشتی ل پارێزگەها بۆ ئاڵوگۆڕا شێوازێ کارکرن و دەستنیشانکرن و هاریکاری کرن ل پێدڤییا دا”.

گۆت ژی، “هەروەها هاتنە راسپاردن بۆ چڕکرنا هەڵمەتا هۆشیاریا ساخلەمیێ بۆ خوەپارێزی ژئالیێ وەلاتیا و پتەوکرنا زێدەترا رێكارا و پێدڤیێت چارەسەریێ ل نەخۆشخانا”.

پەیڤدارێ وەزارەتا ساخلەمیا هەرێمێ ئەو ژی ئاشکەرا کر، ” دنوهە دا پێنج حالەتێت گومانلێکری یێت ڤایرۆسێ نوویێ کۆرۆنا هەنە، ب ئامیرێ تایبەت دێ دلنیابن و ڕادگەهینن کە جۆرێ نوویێ ڤایرۆسێ کۆرۆنا ل هەرێما کوردستانێ هەیە”.

وزەلال کر، “هەتا نوهە ژ ڕوویێ خوەپارێزی و پڕۆتۆکۆلێ چارەسەریێ چ جیاوازی نینە ل گەل ڤایرۆسێ کۆرۆنا COVID-19 بەلێ ب هەستیاری ئەم چاڤدێریا ڤی ڤایرۆسی دکن”.

خوەیاکر ژی، “ئامادەکاریێت تەمام هەنە بۆ هەر رێكارەکێ کە بریار بێتە دان بۆ پشکنینا هەر کەسەکی کە ژ پارێزگەهێت دیتر یێت عیراقێ بێیە هەرێمێ”.

زێدەتر ببینە

بابه‌تێن ب ڤێ مژارێ ڤه‌ گرێدای

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Back to top button
Close