مەروان داود : ئێزدی ۲٤
د نهو دا ب ڕێژەیەکا زێدە لسەر ئاستێ جیهانی داخوازی لسەر ڤەخوارنا چغارێت ئەلکترونی هەیە و ب گوری راپوورتەکا رێکخراوا ساخلەمی یا جیهانی نەخوەشی و زیانێن ڤەخوارنا ئەڤی جورێ جغارێ گەلەک خراب و مەترسیدارا
دناڤ سنێلا و گەنجێن ئاوارە یێن دناڤ کەمپان ژی دا ڕێژەیەکا زێدە ژ وان جغارێت ئەلکترونی ڤەدخون .
لدور ئەڤی بابەتی : مستەفا عەلی قوتابیێ زانکۆیا موسل کولیژا پزیشکا گشتی یە ژ ئێزدی ۲٤ را گۆت .
ڤەخوارنا هەموو جورێن جغارە و نێرگێلا ب گشتی مەترستەکا گەلەک مەزن لسەر ساخلەمییا مرۆڤی هەیە، و ب تایبەت ژی لسەر سنێلان و وان کەسێن د عەمرێ زارۆکینی دا . گەلەک جاران ئەم وەک قوتابی مە دناڤ کەمپان دا دگەل ڕێکخراوێن ساخلەمی سەرەدانا کەمپان کرییە و مە ب چاڤێ خوە دیتیە ئەوێن د عەمرێ زارۆکینی دا جغارێن ئەلکترونی ڤەدخون .
د بەردەوامیە پەیڤا خوە دا گۆت : سالانە د سەرانسەری جیهانێ ب مەیلۆنان مرۆڤ ژ ئەگەرێ ڤەخوارنا جغاران دمرن و بێ گۆمان ژی جغارە دۆژمەنەکی کوژەک یێ ساخلەمییا مرۆڤی و د نهو دا گەلەک ژ وان نەساخێن دناڤ کەمپان دا چێدبێت ل با زەلامێن دانەعەمر و زارۆکان رێژەیەکا زێدە ژ ئەگەرێ ڤەخوارنا جغارێ یە .
د تالیا پەیڤا خوە دا گۆت : هەکە ب بەردەوام ئەڤ دیاردە زێدە ببێت و چ چاڤدێری ژ لایێ مالبەتێن ڤان زارۆک و سنێلا لسەر نەهێتە کرن دێ کارەسات و مەترسێن مەزن لدوویڤ خوە هێلان .
ح . م : ئێک ژ دکاندارێن فرۆتنا جغارەییا لدۆر ئەڤی بابەتی ژ ئێزدت ۲٤ را گۆت : د نهو دا داخوازیەکا زێدە لسەر جغارە و نێرگێلا هەیە و ب تایبەت ژی جغارێن ئەلکترونی . و ڕێژەیەکا زێدە یا بکەرێن وان جغارێن ئەلکترونی خەلکێ ئاوارە و دناڤ کەمپان دایە .
ڤیان موراد : پارێزە لدور ئەڤی بابەتی ژ ئێزدی ۲٤ را گۆت : ب راستی ژی ئەڤە دیاردەیەکا مەترسیدارە ل هەموو جیهانێ و کارتێکرنا خوە یا نەرینی لسەر هەموو خەلکێ جیهانێ هەیە، لێ ل گەلەک وەلاتێن ئەورۆپا یاسا ڕێک ب کەسێن سنێلا و زارۆکان نەدەت جغارە بکڕن و ڤەخون و هەر دوکاندارەکی ئەڤان جۆرێن ڤەخوارنا بفرۆشتا زارۆکان دهێتە سزادان . لێ ل عراقێ مە چ یاسایێن وەسا نینن ڕێگریێ ل ئەڤێ چەندێ بکەن . و دڤێت یاسایەک یا تایبەت ب ئەڤان جۆرێن ڤەخوارنا ڤە بهێتە دان .
