یێن یەکەم ل دەڤەرێن ناکۆکی لسەر ، پشت گۆها ناڤەندی و سەبرا هەرێمێ
ئێزیدی۲٤_ دهۆک
یەکەمێن دەرچووی یێن ناڤەچەیێن ناکۆکی ل بەندا ئەنجوومەنا خزمەت گۆزاری یا فیدرالی و وزارەتا خوەندنا بلند یا هەرێما کوردستانێ و بریارا وان دەربارێ دامەزراندنێ نە وەك هەڤتایێن خوە یێن ژ پارێزگەهێن دی یێن عیراقێ لێ هەتا نوهە ئەنجومەنێ لڤین نەکریە دەربارێ وان .
لگۆر بریارا جڤاتا نوینەران ،دەرچوویێن ڤان دەڤەران دناڤ بریارێ دە جه دگرن و ناڤێن وان ژ وزارەتا خوەندنا بلندا هەرێما کوردستانێ هاتینە خوەستن و هەژمارا وان ژ سالا 2003 ێ ڤە دناڤبەرا 4 و 5 هەزار دەرچووی دەیە .هەتا 2021 ێ
لوقمان بەدەل کو یەك ژ دەرچوویێن یەکەمە درێزا دووێ دەیە لسەر ئاستا بەشا خوە .ژ ” ئێزیدی 24 ” رە گۆت ئەم ژ بەندەواریێ بێزار بوون بەری چەند مەهان بریارا دەست نیشانکرنا یێن یەکەم هات داین لێ وەک هەر جار ئەم نزانن چما ئەم نەهاتنە دامەزراندن ( تەعین ) کرن ژبەر کو ئەم ژی ژ ڤی وەلاتی نە و مافێن مە هەنە .
بەدەل داخوازا دیتنا چارەیەکێ ژ دەزگەهێن بلند کر ژ بۆ چارەسەرکرنا دۆسەیا دەرچویێن یەکەم یێن دەڤەرێن ناکۆکی لسەر کۆ ژ زانین گەه و پەیمانگەهێن هەرێما کوردستانێ دەرچوونە .
ئەندامێ مەجلسا نوینەران محما خەلیل قاسم د داخویانیەکە رۆژنامەڤانیدا ژ رۆژنامەیا گەل رە گۆت : خویندکارێن دەرچوویێن یەکەم یێن دەڤەرێن ناکۆکی لسەر د مافێ خوەدەنە و راستی نەحەقیێ هاتینە .و ئەف یەکە ئیرۆ نا نوویە بەلکو ئەف چەند سالن ئەف نەحەقی ل وان تێ کرن و گۆت من داخواز ژ وەزیر کریە دەربارێ ڤێ ئاریشێ و راکرنا نەحەقیێ لسەر ڤان گەنجان .
دەربارێ وان ئاستەنگان و پاشخانەیا وان دە وی گۆت ئەو ژ ئەنجاما رۆتین و رێڤەبەریا نە باشن ، لۆما دڤێ دەستێوەردانەک ژ ئالیێ دەزگەهێن بلند ڤە بۆ بدەست خستنا مافێن ڤان دەرچوویان بێ کرن و دێ گاڤ دڤی بابەتی دە هەبن.
