دناڤبەرا ڤەگەر و ماینێ دە جوداهی هەیە ، ناڤەند گرتنا کەمپان رادگەهینێ هەرێم ژی رەت دکە .
ئێزیدی 24 – شنگال
دوو حکومەت و یەك ئاریشە ، ناکۆکی و بێ چارەسەری زێدەتری 9 سال دسەر دەرکەتنا حسێن ژ گوندێ خوە دەرباس دبن . لێ ئەو هیش ل بەندا ڤەگەرێ یە ، پشتگیریا ناڤ نەتەوی و پرۆژێن مەزن و بێی کۆ تشتێن هەری گرنک لبەر چاڤان بگرن .وەکی کۆلانان کۆ نوهە بتریا شنگالێ یا کەتی و وێرانە ، و هین ژی ژبەر خزمەت گوزاریا کێشە هەنە . نووهە نێزیکی 200 هەزاری ل شنگالێ دژین .
د دەما حوسێن دناڤ کەنالان دە دچوو هەتا کوو نووچەیەکە کێف خوەش ببهیزێ ، دا رووپەلا ئاوارەیێ بگرێ ، و برێکارێ وزارەتا کۆچ و کۆچبەران کەریم نوری دیت . و گرتنا 25 کەمپان ل هەرێمێ راگەهاند ، و هێڤی کر کو کەمپا شاریا یا ئەو لێ دژی دناڤ واندە بێ . و د دەمەکی نێزیک دە داخویانیەکێ کێف خوەشیا وی خەراب کر .و گۆت حکومەت لگۆری ڤێ ستراتیژیێ نکارێ کۆچبەرێن ل پارێزگەها دهۆکێ ڤەگەرینێ .
ئەم ل ڤەگەرێ دهزرن . لێ ڤەگەرا باش ئەوە کۆ ئەم خزمەت و ئەولەهیێ ببینن ، و ژبۆی کو مالێن خوە ئاڤابکن و گوندێن خوە ڤەژینن و ژ نوو ڤەگەرینن ژیانێ و دڤێت ئەم بێنە قەرەبوکرن . ل کەمپان ژیان وەکی دۆژەهێ یە و ئەم هەردەم ژ شەواتا چادران دترسن لێ حکومەت ناهێلێ ئەم ڤەگەرین و ئەم ل بەندا لڤینەکا حکومی نە ئەڤ گۆتنا حوسێنی بوو .
ل رۆژا سێشەمێ 7 ێ ئادارێ وزارەتا کۆچ و کۆچبەران پشت راست کر کۆ سەرۆک وەزیر موحەمەد شیاع ئەلسوودانی دۆسەیا ڤەگەرێ لسەر بنگەهەکی خۆبەخش دشۆپینێ و ئاریشەیێن وان چارەسەر دکە .و د هەمان دەم دە ئاماژە ب پێنگاڤا گرتنا 25 کەمپێن ئاوارە ل کورستانێ کر .
برێکارێ وزارەتا کۆچ و کۆچبەران کەریم ئەل نووری ژ ئاژانسا نووچەیێن عیراقی ( ئا ن ع) رە راگەهاند ، سەرەدانا ئێکەم کەسایەتیێ نەتەوێن یەکبووی ب نوینەراتیا شەخسی یا گوتێرێس بۆ عیراقێ پەیامەکێ دشینێ . بالکێشیا نەتەوێن ئێکگرتی بۆ پرسا ئاوارەیێن ل عیراقێ و چارەسەریا قەیرانا بال کشاند سەر وێ یەکێ، کۆ ئەڤ سەرەدان ئاوارەیان ڤەیە لگۆری بەرنامەیا حکومەتێ یا کۆ ژ ئالیێ سەرۆک وەزیر موحەمەد شیاع سوودانی ڤە هاتیە پەسەندکرن “.
ئەل نووری وەها گۆت ، گوتێرێس د سەرەدانا خوەدە ژ وەلاتێن جیهانێ خوەست کو وەلاتیێن خوە ژ کەمپێن کۆچبەران ڤەکێشن ، ژبەرکو ماینا وان باندۆری ل هەرێمێ و عیراقێ دکە ، هەر وەها ژ وەلاتێن جیهانێ خوەست ژی کۆ لگۆری رەگەزێن کۆچبەران تەڤ بمەشن .مینا عیراقێ .د رووبەرو بوونا ڤێ قەیرانێ وەلاتەکی پێشەنگە . ”
دەربارێ ڤەگەراندنا ئاوارەیان دە ئەل نووری تەکەز کر کۆ ڤەگەر ب زۆرێ نابێ ژبەرکو کێشەیێن مالباتێن ئاوارە دبن دەستهلاتا حکومەتا سوودانی دە دکارن بێن چارەسەرکرن ، و دزانین کۆ سەرۆک وەزیر بخوە لسەر ڤەگەرا خۆبەخش د شۆپینێ .ژبۆ ئاوارەیان و چارەسەرکرنا کێشەیێن وان ، ژبلی هەبوونا پەیوەندیان ب هەرێمێ رە .دڤێ کوردستان ژ بۆ گرتنا زێدەتر ژ 25 کەمپان هاریکاریا وزارەتێ بکە. دەربارێ ئاسەتەنگێن هەری دیار یێن ل پێشیا ئاوارەیان و داینا مووچەیێن دارایی ، ئەل نووری گۆت ، هنک ئاستەنگێن لۆجستیکی دەربارێ مالێن واندە هەنە ،و یێن دی ژی ژبەر ئەولەهیێ نە
وی بال کشاند سەر وێ یەکێ کۆ وزارەتێ دەست ب دابەشکرنا موچەیێن دراڤ د قۆناغان دە کر و گەهشتن قۆناغا نها یا دابەشکرنا وان پارەیان ، ژبەرکوو هژمارەك پرن و دا زانین کۆ وزارەتێ پیڤان ژ بۆ تەرخانکرنا وان پارەیان دەست نیشان کریە .”
وی دبەردەوامیا ئاخافتنا خوە دە گۆت .پارەیێن کو ژ ئالیێ هن وەلاتان ڤە ژ پشتگریکرنا ئاوارەیان تێن ڤەقەتاندن ، وێ نەگەهێ وزارەتێ دێ د دەستێ رێکخستنێ ناڤ نەتەوی دە بمینێ ، و دیارکر کۆ هەر ئاخافتنەکە تێ گۆتن لسەر وزارەتێ کۆ وان پارەیان وەردگرێ نەراستە .
رۆژا پێنج شەمێ. رێڤەبەریا کۆچ و کۆچبەران ل دهۆکێ یا حکومەتا هەرێما کورستانێ جیبەجیکرنا پلانا یا کو ژ ئالیێ حکومەتا فیدرال ڤە هاتیە راگەهاندن ژ بۆ گرتنا کەمپێن ئاوارەیان و ڤەگەراندنا وان بۆ دەڤەرێن وان رەت کر ، رێڤەبەرێ کۆچ و کۆچبەران ل دهۆکێ ،دەیان جەعفەر ژ ئاژانسا شەفەق نیوز رە تەکەز کر ، کو ددەما نوهەدە گرتنا کەمپان بزەحمەتە ، ژ بەر پرۆسەیا گرتنێ پێویستی ب ئامادەکرنا دەمەکی گونجاوە ب رێیا ئاڤاکرن و نوو ئاڤاکرنا مالێن کەتی و وێرانکری و ڤەژاندنا وان هەیە، و ڤەگەراندنا ئەولەهیێ ، زێدەباری پەیداکرنا خزمەت گوزاریێن سەرەکی ل دەڤەرێن وان.
جەعفەر هەروەها گۆت ،حکوومەتا هەرێمێ ئازادیا تەمام ددە ئاوارەیێن کو بڤێن ڤەگەرین ، ژبەرکو سیاسەتا هەرێمێ دڤێ مژارێ دە دیارە چاوا کو حکومەت ئازادیا تەمام ددە وان یێن کۆ دکەمپان دە دمینن و وێ سیاسەتێ قەبوول ناکن ب هێرس و زۆرێ وان ڤەگەرینن .دەربارێ سەدەمێن کو ئاوارە ناخوازن ڤەگەرین جەعفەر تەکەزی لسەر پێویستیا جیبەجیکرنا رێکەفتنا شنگالێ یا دناڤبەرا بەغدا و هەولێرێ دە کف داکو ئاوارە ڤەگەرین جه و وارێن خوە .
و دیارکر کو رێکەفتن لسەر وێ یەکێ ژی یە کو هەموو میلیشیاتێن چەکدار ڤەکشن ژ ناڤە شنگالێ و هەر وسا حکومەتەکە ناڤەکی ژ خەلکێ شنگالێ دروست ببێ و خەلکێ زیان پێکەفتی بهێتە قەرەبووکرن .”
هەژی گۆتنێ یە کو وزارەتا کۆچ و کۆچبەران یا بەغدایێ پشتی جیبەجیکرنا بەرنامەیێن هاندانا ڤەگەرینێن خوە بەخش ئامادەکریە و پلانەکە یەك گرتی ژ بۆ گرتنا کەمپێن ئاوارەیا ل هەرێمێ راگەهاند .
لگۆری ئامارێن رێڤەبەریا کۆچ و کۆچبەران ل دهۆکێ . 15 کەمپێن ئاوارەیان دناڤا پارێزگەهێ دە هەنە و نێزیکی 9 سالانە زێدەتری 300 هەزار خێزانی ئاوارە ل ڤان کەمپان دە دژین .
